Etapaka: నల్లకుంట సర్పంచ్ అభ్యర్థిగా పండ రాకేష్ నామినేషన్

Etapaka: ఎటపాక మండలం నల్లకుంట పంచాయతీ సర్పంచ్ అభ్యర్థిగా వైసీపీ మద్దతుతో పండ రాకేష్ నామినేషన్ దాఖలు చేశారు; తాగునీరు, రోడ్లు, డ్రైనేజీపై హామీలు.

RAJESH REDDY, CHINTOOR
Published on: 20 Nov 2026 7:12 PM IST
Etapaka
X

Etapaka: నల్లకుంట సర్పంచ్ అభ్యర్థిగా పండ రాకేష్ నామినేషన్

ఎటపాక: ఎటపాక మండలం నల్లకుంట గ్రామ పంచాయతీ ఎన్నిక రసవత్తరంగా మారింది. వైఎస్ఆర్సిపి మద్దతుతో సర్పంచ్ అభ్యర్థిగా పండ రాకేష్ శుక్రవారం ఘనంగా నామినేషన్ దాఖలు చేశారు. మండల ఎంపీపీ, వైఎస్ఆర్సిపి నాయకులు, కార్యకర్తలు, గ్రామస్తులు పెద్ద సంఖ్యలో పాల్గొన్నారు.

ఈ సందర్భంగా రాకేష్ మాట్లాడుతూ, సర్పంచ్‌గా గెలిపిస్తే పంచాయతీలో నెలకొన్న సమస్యల పరిష్కారానికి నిరంతరం కృషి చేస్తానని హామీ ఇచ్చారు. ముఖ్యంగా తాగునీరు, రోడ్లు, డ్రైనేజీ, పారిశుధ్యం, వీధి దీపాలు, సంక్షేమ పథకాల అమలుపై ప్రత్యేక దృష్టి పెడతానని తెలిపారు.

గ్రామాభివృద్ధే తన లక్ష్యమని, ప్రజలకు ఎల్లప్పుడూ అందుబాటులో ఉంటానని చెప్పారు.రాకేష్ విజయం తథ్యమని గ్రామస్తులు భావిస్తున్నారు. యువత, మహిళలు, పెద్దల అండతో గెలుపు ఖాయమని కార్యకర్తలు ధీమా వ్యక్తం చేస్తున్నారు. ప్రత్యర్థులకు గట్టి పోటీ ఇస్తామని నాయకులు అన్నారు.నల్లకుంట పంచాయతీ ఎన్నికపై గ్రామంలో ఉత్కంఠ నెలకొంది. ఎన్నికల ప్రచారం మరింత వేడెక్కనుందని రాజకీయ వర్గాలు అంచనా వేస్తున్నాయి.

RAJESH REDDY, CHINTOOR

RAJESH REDDY, CHINTOOR