Mamidikuduru: మామిడికుదురులో 300 కిలోల పీడీఎస్ బియ్యం పట్టివేత!

Mamidikuduru: మామిడికుదురు మండలంలో పీడీఎస్ బియ్యం అక్రమ రవాణాకు అడ్డుకట్ట వేసేందుకు పోలీసులు చర్యలు చేపట్టారు. మామిడికుదురు హైవేపై అక్రమంగా తరలిస్తున్న 300 కిలోల పీడీఎస్ బియ్యాన్ని పోలీసులు పట్టుకున్నారు.

అధికారులకు అందిన విశ్వసనీయ సమాచారంతో హైవేపై తనిఖీలు నిర్వహించగా, ట్రక్ ఆటోలో పీడీఎస్ బియ్యాన్ని తరలిస్తున్న గోకవరపు శ్రీనివాసరావు (60) ను అదుపులోకి తీసుకున్నట్లు పోలీసులు తెలిపారు.

పట్టుబడిన 300 కిలోల బియ్యాన్ని స్వాధీనం చేసుకుని, ట్రక్ ఆటోను సీజ్ చేశారు. శ్రీనివాసరావుపై కేసు నమోదు చేసి, పీడీఎస్ బియ్యం అక్రమ రవాణాకు సంబంధించిన మరిన్ని వివరాలపై దర్యాప్తు చేస్తున్నట్లు పోలీసులు వెల్లడించారు.