Malikipuram: చింతలమోరిలో 20 వేల లీటర్ల వాటర్ ట్యాంక్ ప్రారంభం!

Malikipuram: రాజోలు నియోజకవర్గంలో ప్రజలకు మౌలిక వసతులు కల్పించడమే లక్ష్యంగా అభివృద్ధి పనులకు ప్రాధాన్యత ఇస్తున్నామని రాజోలు ఎమ్మెల్యే దేవ వరప్రసాద్ తెలిపారు. మలికిపురం మండలం చింతలమోరి గ్రామం వడ్లపాలెంలో 63 కేవీ ట్రాన్స్‌ఫార్మర్‌ను ప్రారంభించిన ఆయన, అనంతరం మధ్య గ్రూపులో పీఎం-అజయ్ (PM-AJAY) నిధులతో నిర్మించిన 20 వేల లీటర్ల సామర్థ్యం కలిగిన వాటర్ ట్యాంక్‌ను ప్రారంభించారు.

మధ్య గ్రూపు ప్రజలకు తాగునీటి సౌకర్యాన్ని మెరుగుపరచాలనే ఉద్దేశంతో ఈ వాటర్ ట్యాంక్‌ను అందుబాటులోకి తీసుకువచ్చినట్లు ఎమ్మెల్యే తెలిపారు. దీని ద్వారా స్థానిక ప్రజలకు తాగునీటి అవసరాలు తీర్చేందుకు తోడ్పాటు లభిస్తుందని పేర్కొన్నారు. ప్రజలకు ఎదురవుతున్న సమస్యలను గుర్తించి, వాటి పరిష్కారానికి అవసరమైన చర్యలు చేపడుతున్నామని చెప్పారు.

గ్రామీణ ప్రాంతాల్లో మంచినీరు, విద్యుత్, రహదారులు వంటి ప్రాథమిక మౌలిక సదుపాయాల కల్పనకు అధిక ప్రాధాన్యత ఇస్తున్నామని దేవ వరప్రసాద్ స్పష్టం చేశారు. ప్రజల అవసరాలకు అనుగుణంగా అభివృద్ధి పనులను ప్రాధాన్యతా క్రమంలో చేపడుతూ, ఆయా ప్రాంతాల్లో సదుపాయాలను మెరుగుపరిచేందుకు కృషి చేస్తున్నామని తెలిపారు.

అదేవిధంగా వడ్లపాలెంలో 63 కేవీ ట్రాన్స్‌ఫార్మర్ ప్రారంభంతో స్థానికంగా విద్యుత్ సరఫరా మెరుగుపడేందుకు అవకాశం ఉంటుందని పేర్కొన్నారు. గ్రామాల్లో మౌలిక వసతుల అభివృద్ధి ద్వారా ప్రజలకు మెరుగైన సేవలు అందించడమే లక్ష్యంగా ముందుకు సాగుతున్నామని తెలిపారు.

ఈ కార్యక్రమంలో సంబంధిత అధికారులు, కూటమి నాయకులు, కార్యకర్తలు, గ్రామ పెద్దలు, స్థానిక ప్రజలు పాల్గొన్నారు.