Konaseema: మోహిని అలంకరణలో కనువిందు చేసిన కోనసీమ తిరుమలేశుడు

Konaseema: కోనసీమ తిరుమల వాడపల్లి శ్రీదేవి భూదేవి సమేత శ్రీ వేంకటేశ్వర స్వామి వారి 14వ వార్షిక బ్రహ్మోత్సవాల్లో భాగంగా ఆరో రోజు మంగళవారం చంద్రప్రభ వాహన సేవ వైభవంగా నిర్వహించారు.

ఈ సందర్భంగా స్వామివారు మోహిని అలంకరణలో చంద్రప్రభ వాహనంపై కొలువుదీరి భక్తులకు దర్శనమిచ్చారు. విశేష అలంకరణలో చంద్రప్రభ వాహనంపై విహరిస్తున్న స్వామివారిని దర్శించుకున్న భక్తజనం

ఈ కార్యక్రమంలో భాగంగా సాయంత్రం స్వస్తివాచనం, ప్రధాన హోమాలు, హనుమత్ మూలమంత్ర హవనం, దిగ్దేవతా బలిహరణ, అష్టోత్తర శత కలశారాధన, పంచశయ్యాధివాసం తదితర వైదిక కార్యక్రమాలను నిర్వహించారు. అనంతరం ఏకాంత సేవ, నీరాజన మంత్రపుష్పాలు సమర్పించి భక్తులకు తీర్థప్రసాదాలు పంపిణీ చేశారు.