Kunavaram: విలేకరి నుంచి సర్పంచ్ అభ్యర్థిగా.. కూనవరంలో కొత్త అధ్యాయం!
Kunavaram: పోలవరం జిల్లా కూనవరం గ్రామంలో 2010 నుంచి విలేకరిగా ప్రజా సమస్యలపై పోరాడిన మచ్చ వినయ్ కుమార్, ఇప్పుడు జనసేన పార్టీ తరపున సర్పంచ్ అభ్యర్థిగా బరిలోకి దిగుతున్నారు.
Kunavaram: విలేకరి నుంచి సర్పంచ్ అభ్యర్థిగా.. కూనవరంలో కొత్త అధ్యాయం!
కూనవరం: పోలవరం జిల్లా కూనవరం గ్రామంలో ఇప్పుడు ఒకే పేరు మారుమోగుతోంది... మచ్చ వినయ్ కుమార్.2010లో మీడియా రంగంలోకి అడుగుపెట్టిన వినయ్ కుమార్ అప్పటి నుంచి ఇప్పటి వరకు కలాన్ని ఆయుధంగా చేసుకుని ప్రజల పక్షాన నిలబడ్డారు. ప్రభుత్వానికి, ప్రజలకు మధ్య వారధిగా ఉంటూ ఎన్నో ప్రజా సమస్యలను వెలుగులోకి తెచ్చారు.
ఎవరికి కష్టం వచ్చినా ముందు వరుసలో నిలబడి, నిస్వార్థంగా కథనాలు రాసిన వ్యక్తిగా గ్రామంలో మంచి పేరు సంపాదించారు.ఆయన నిజాయితీ, నిబద్ధత, ప్రజల పట్ల ఉన్న ప్రేమే ఇప్పుడు ఆయన్ను కొత్త బాటలో నడిపిస్తోంది.వినయ్ కుమార్ ఇమేజ్ చూసిన జనసేన పార్టీ, కూనవరం సర్పంచ్ అభ్యర్థిగా ఆయన్ను బరిలోకి దింపాలని నిర్ణయించింది. విలేకరిగా ప్రజల గొంతుకగా ఉన్న వ్యక్తి, ఇప్పుడు సర్పంచ్గా ప్రజల సేవకుడిగా మారబోతున్నారు.
"నన్ను గెలిపిస్తే... ప్రజా సమస్యలపై నిత్యం పోరాడతా. కలంతో రాసిన సమస్యలకు ఇక పరిష్కారం చూపిస్తా" అని వినయ్ కుమార్ హామీ ఇస్తున్నారు.ప్రజల్లో ఆయనకు ఉన్న గుర్తింపు, నమ్మకమే ఆయన గెలుపుకు బలమని గ్రామస్తులు ధీమాగా చెబుతున్నారు. కలం నుంచి గ్రామ పాలన వైపు... వినయ్ కుమార్ ప్రయాణం కూనవరం చరిత్రలో ఓ మధుర అధ్యాయం కానుందని అందరూ ఆశిస్తున్నారు.




