Husnabad: హుస్నాబాద్‌ను కరువు ప్రాంతంగా ప్రకటించాలి: బీఆర్ఎస్
Husnabad: హుస్నాబాద్ నియోజకవర్గాన్ని కరువు ప్రాంతంగా ప్రకటించాలని మాజీ ఎమ్మెల్యే వొడితెల సతీష్ కుమార్ ఆదేశాల మేరకు బీఆర్ఎస్ ఆధ్వర్యంలో ధర్నా నిర్వహించి ఆర్డీవోకు వినతిపత్రం అందజేశారు.
Husnabad: హుస్నాబాద్‌ను కరువు ప్రాంతంగా ప్రకటించాలి: బీఆర్ఎస్
సిద్దిపేట జిల్లా: హుస్నాబాద్ పట్టణ కేంద్రంలో హుస్నాబాద్ నియోజకవర్గాన్ని కరువు ప్రాంతంగా ప్రకటించాలని డిమాండ్ చేస్తూ బీఆర్ఎస్ పార్టీ ఆధ్వర్యంలో ధర్నా నిర్వహించారు.
హుస్నాబాద్ మాజీ శాసనసభ్యులు వొడితెల సతీష్ కుమార్ ఆదేశాల మేరకు నిర్వహించిన ఈ నిరసన కార్యక్రమంలో బీఆర్ఎస్ నాయకులు, కార్యకర్తలు పాల్గొని కాంగ్రెస్ ప్రభుత్వానికి వ్యతిరేకంగా నినాదాలు చేశారు.
వర్షాభావ పరిస్థితులు, పంటల సాగులో ఎదురవుతున్న ఇబ్బందులు, రైతులు ఎదుర్కొంటున్న సమస్యలను దృష్టిలో ఉంచుకొని హుస్నాబాద్ నియోజకవర్గాన్ని కరువు ప్రాంతంగా ప్రకటించి రైతులకు తగిన న్యాయం చేయాలని నాయకులు డిమాండ్ చేశారు.
అనంతరం నాయకులు ఆర్డీవో కార్యాలయానికి చేరుకుని నియోజకవర్గాన్ని కరువు ప్రాంతంగా ప్రకటించాలని కోరుతూ ఆర్డీవోకు వినతిపత్రం అందజేశారు.
ఈ కార్యక్రమంలో బీఆర్ఎస్ పార్టీ నాయకులు, కార్యకర్తలు పాల్గొన్నారు.
