Dubbak: దుబ్బాక సీసీ కెమెరాల నిఘా వ్యవస్థను ప్రారంభించిన ఎమ్మెల్యే!
Dubbak: సిద్దిపేట జిల్లా దుబ్బాక మండలంలో సీసీ కెమెరాల నిఘా వ్యవస్థను ప్రారంభించిన ఎమ్మెల్యే కొత్త ప్రభాకర్ రెడ్డి. గ్రామాల్లో భద్రత పెంపు.
Dubbak: దుబ్బాక సీసీ కెమెరాల నిఘా వ్యవస్థను ప్రారంభించిన ఎమ్మెల్యే!
Dubbak: సిద్దిపేట జిల్లా దుబ్బాక మండలంలోని అప్పనపల్లి, తిమ్మాపూర్, పద్మనాభునిపల్లి గ్రామాల్లో ఏర్పాటు చేసిన సీసీ కెమెరాల నిఘా వ్యవస్థను దుబ్బాక శాసనసభ్యులు కొత్త ప్రభాకర్ రెడ్డి ప్రారంభించారు.ఈ సందర్భంగా ఎమ్మెల్యే మాట్లాడుతూ గ్రామీణ ప్రాంతాల్లో ప్రజల భద్రతను మరింత పటిష్టం చేయడంలో సీసీ కెమెరాలు కీలక పాత్ర పోషిస్తాయని తెలిపారు. గ్రామాల్లో నిఘా వ్యవస్థను బలోపేతం చేయడంతో పాటు, అవాంఛనీయ ఘటనలను అరికట్టేందుకు సీసీ కెమెరాలు ఎంతగానో దోహదపడతాయని పేర్కొన్నారు.
అప్పనపల్లి, తిమ్మాపూర్, పద్మనాభునిపల్లి గ్రామాల్లో సీసీ కెమెరాల ఏర్పాటు ద్వారా ప్రధాన కూడళ్లు, ప్రజలు రాకపోకలు సాగించే ప్రాంతాలపై నిరంతర నిఘా ఉండే అవకాశం కలుగుతుందని తెలిపారు. ఏదైనా అవాంఛనీయ ఘటన చోటుచేసుకున్నప్పుడు సంబంధిత వివరాలను గుర్తించడంలో కూడా ఈ నిఘా వ్యవస్థ ఉపయోగపడుతుందని అన్నారు.
