Viral: అప్పుడు రూ. 2 లక్షలు.. ఇప్పుడు రూ. 40 వేలు.! ఏఐతో కెరీర్ కొల్పోయానంటూ యువకుడి ఆవేదన..

Viral: ప్రపంచవ్యాప్తంగా ఆర్టిఫిషియల్ ఇంటెలిజెన్స్ సృష్టిస్తున్న సంచలనాలు అన్ని రంగాలపై తీవ్ర ప్రభావాన్ని చూపుతున్నాయి. ముఖ్యంగా టెక్నాలజీ, కంటెంట్ రైటింగ్, మార్కెటింగ్, మీడియా రంగాలలో పనిచేస్తున్న ఉద్యోగులకు ఏఐ ఒక పెద్ద సవాల్‌గా మారుతోంది. గతంలో మానవ ప్రమేయం అత్యంత కీలకంగా ఉన్న అనేక రంగాలను ఇప్పుడు ఏఐ టూల్స్ చాలా సులభంగా, వేగంగా చక్కబెడుతున్నాయి. దీనివల్ల ప్రొఫెషనల్స్ ఎదుర్కొంటున్న ఇబ్బందులు అన్నీఇన్నీ కావు. తాజాగా ఏఐ ఎఫెక్ట్ కారణంగా తన కెరీర్‌లో ఎదురైన ఊహించని పరిణామాలు, జీతం భారీగా పడిపోవడంపై ఒక కాపీరైటర్ సోషల్ మీడియా వేదికగా పంచుకున్న ఆవేదన ప్రస్తుతం నెట్టింట వైరల్ అవుతోంది.

సోషల్ మీడియాలో వైరల్ అవుతున్న ఆ పోస్ట్ ప్రకారం, సదరు కాపీరైటర్ గతంలో తన సృజనాత్మక నైపుణ్యాలతో నెలకు ఏకంగా రూ.2 లక్షల వరకు సంపాదించేవారు. అయితే ఇటీవల కాలంలో వేగంగా అభివృద్ధి చెందిన ఏఐ టూల్స్ కారణంగా ప్రాజెక్ట్‌లు అన్నింటినీ కంపెనీలు ఆర్టిఫిషియల్ ఇంటెలిజెన్స్ ద్వారానే పూర్తి చేయించుకుంటున్నాయి. దీంతో తన ప్రాజెక్ట్‌లన్నీ పూర్తిగా పోయాయని, ఆదాయం దారుణంగా పడిపోయిందని ఆయన ఆవేదన వ్యక్తం చేశారు. ఏఐ దెబ్బతో ఉపాధి కోల్పోయే పరిస్థితి రావడంతో కుటుంబ పోషణ కోసం ఆయన తీవ్ర ఇబ్బందులు పడాల్సి వచ్చింది.

పరిస్థితులు తలకిందులు కావడంతో చివరికి ఆయన చేసేదిలేక కొత్త ఉద్యోగంలో చేరాల్సి వచ్చింది. ప్రస్తుతం ఆయన 'TG టూరిజం' ప్రాజెక్ట్‌ను హ్యాండిల్ చేసే ఒక ప్రముఖ ఏజెన్సీలో కేవలం నెలకు రూ.40 వేల జీతానికి చేరినట్లు తెలిపారు. గారడీ చేసినట్లుగా గతంలో తాను చేసిన రోల్ కంటే ఇప్పుడు మరింత పెద్ద బాధ్యతలు ఉన్న రోల్‌లోనే జాయిన్ అయినప్పటికీ, జీతం మాత్రం ఇంత తక్కువగా ఉండటం తనకు తీవ్రంగా బాధిస్తోందని ఆయన వాపోయారు. ఒకప్పుడు భారీ వేతనం అందుకున్న తాను, ఇప్పుడు భారీ పనిభారాన్ని మోస్తూ తక్కువ జీతానికి పనిచేయాల్సి వస్తోందని తెలిపారు.

ఈ ఉద్యోగంలో తన పనితీరు గురించి వివరిస్తూ, గతంలో ఐదుగురు వ్యక్తులు కలిసి చేయాల్సిన పనంతా ఇప్పుడు తానొక్కడినే ఒంటరిగా చేయాల్సి వస్తోందని ఆయన తీవ్ర ఆవేదన వ్యక్తం చేశారు. వర్క్‌లోడ్ విపరీతంగా పెరిగిపోయిందని, అయినప్పటికీ అందుకు తగిన ప్రతిఫలం లభించట్లేదని ఆయన పేర్కొన్నారు. ఏఐ రాకతో ఉద్యోగ భద్రత ప్రశ్నార్థకంగా మారుతోందని, కంటెంట్ క్రియేటర్స్, కాపీరైటర్ల భవిష్యత్తుపై ఈ పరిణామాలు తీవ్రమైన ఆందోళన కలిగిస్తున్నాయని నిపుణులు అభిప్రాయపడుతున్నారు. టెక్నాలజీ ఎంత వేగంగా అభివృద్ధి చెందుతున్నప్పటికీ, ఉపాధి రంగాలపై ఇది చూపుతున్న దుష్ప్రభావాలకు ఈ ఉదాహరణ అద్దం పడుతోంది.