Viral Video: మొసలికి బ్రష్ వేసిన బుడ్డోడు.. ఇదెక్కడి విడ్డూరం సామీ!

Viral Video: సోషల్ మీడియా యుగంలో రీల్స్ కోసం, వ్యూస్ కోసం జనం ఎలాంటి సాహసాలకైనా వెనుకాడటం లేదు. సాధారణంగా నీటిలో మొసలి ఉందంటే ఆ దరిదాపుల్లోకి వెళ్లడానికే గుండె జారిపోతుంది. 'నీటిలో మొసలికి పది ఏనుగుల బలం' అంటారు పెద్దలు. అలాంటిది ఒక చిన్న బాలుడు ఏకంగా మొసలి పళ్లు తోమిన వీడియో ఇప్పుడు ఇంటర్నెట్‌ను ఊపేస్తోంది.

వైరల్ అవుతున్న ఈ వీడియోలో, ఒక బాలుడు నీళ్ల దగ్గరకు వెళ్లి పిలవగానే ఒక మొసలి పిల్లిలా తన దగ్గరకు వచ్చింది. ఆ బాలుడు ఏమాత్రం భయం లేకుండా ఒక బ్రష్ తీసుకుని, ఆ మొసలి నోరు తెరిచి మరీ పళ్లను తోమడం ప్రారంభించాడు. పళ్ల మధ్య ఇరుక్కున్న మాంసపు ముద్దలను చాలా క్లీన్ గా బ్రష్‌తో శుభ్రం చేశాడు.

మరి ఆ బాలుడు దాన్ని మొదటి నుంచి పెంచుకుంటున్నాడో ఏమో కానీ, ఆ మొసలి కూడా ఎంతో ఓపిగ్గా, స్టైల్‌గా పళ్లు తోమించుకుంది. అతనిపై దాడి చేసే ప్రయత్నం ఏమాత్రం చేయకపోవడం గమనార్హం. ఈ దృశ్యాన్ని చూసిన నెటిజన్లు రకరకాలుగా స్పందిస్తున్నారు. "అసలు ఆ మొసలికి అంత బుద్ధి ఏంటి?", "ఈ అబ్బాయి ధైర్యానికి మెచ్చుకోవాల్సిందే" అంటూ కామెంట్లతో హోరెత్తిస్తున్నారు. అయితే ఇటువంటి సాహసాలు ప్రాణాంతకమని, ఎవరూ ప్రయత్నించవద్దని నిపుణులు హెచ్చరిస్తున్నారు.