Viral: 6 బిలియన్ వ్యూస్.. గంగ్నమ్ స్టైల్ సాంగ్ ద్వారా ఎంత డబ్బు వచ్చిందంటే.?

Viral: సంగీత ప్రపంచంలో సంచలనం సృష్టించిన గంగ్నమ్ స్టైల్ పాట గురించి ప్రత్యేకంగా చెప్పాల్సిన అవసరం లేదు. 2012 సంవత్సరంలో సౌత్ కొరియన్ ఆర్టిస్ట్ పీఎస్ఐ పాడిన ఈ సాంగ్ ప్రపంచవ్యాప్తంగా ఉన్న ప్రేక్షకులను విపరీతంగా ఊపింది. ఈ పాట విడుదలైన తొలినాళ్లలో సరికొత్త రికార్డులను సృష్టించి అందరి దృష్టిని ఆకర్షించింది. యూట్యూబ్ చరిత్రలో మొదటిసారిగా వన్ బిలియన్ వ్యూస్ క్రాస్ చేసిన తొలి పాటగా ఈ సాంగ్ చరిత్ర సృష్టించింది. అప్పట్లో ఈ పాట సాధించిన విజయాలు అంతర్జాతీయ స్థాయిలో చర్చనీయాంశంగా మారాయి.

ఇప్పుడు దాదాపు పద్నాలుగు ఏళ్ల తర్వాత ఈ సాంగ్ మరో అరుదైన మైలురాయిని చేరుకుంది. తాజాగా ఈ పాట యూట్యూబ్‌లో ఆరు బిలియన్ వ్యూస్ దాటేసి దూసుకుపోతోంది. ఇన్ని సంవత్సరాలు గడిచినా ఈ పాటపై ఉన్న క్రేజ్ ఏమాత్రం తగ్గలేదని స్పష్టమవుతోంది. ఈ నేపథ్యంలో ఈ సాంగ్ ఇప్పటివరకు ఎంత డబ్బు కలెక్ట్ చేసిందనే అంశంపై నెటిజన్లలో తీవ్రమైన ఆసక్తి నెలకొంది. ఈ ప్రశ్నకు సమాధానంగా ఒక నెటిజన్ గ్రోక్‌ను అడగగా ఆసక్తికరమైన వివరాలు వెల్లడయ్యాయి.

అంచనాల ప్రకారం కేవలం యూట్యూబ్ యాడ్స్ ద్వారానే ఈ పాటకు దాదాపు యాభై మిలియన్ డాలర్లు అంటే భారతీయ కరెన్సీలో సుమారు నాలుగు వందల డెబ్బై కోట్ల రూపాయలు వచ్చినట్లు తెలుస్తోంది. ఒక సాధారణ సంగీత ఆల్బమ్ ఇన్ని వేల కోట్ల ఆదాయాన్ని ఆర్జించడం నిజంగా అసాధారణ విషయమని నిపుణులు పేర్కొంటున్నారు. డిజిటల్ ప్లాట్‌ఫామ్‌ల ద్వారా కళాకారులు ఎంత భారీగా సంపాదించవచ్చో ఈ సాంగ్ మరోసారి నిరూపించింది. ప్రపంచవ్యాప్తంగా ఉన్న మ్యూజిక్ లవర్స్ ఈ పాటను ఇప్పటికీ ఎంతో ఇష్టంగా వీక్షిస్తున్నారు. ఈ రికార్డులు అన్నీ కలిపి ఈ పాటకు చిరస్థాయిలో నిలిచిపోయే గుర్తింపును తెచ్చిపెట్టాయి.