Baba Vanga: బాబా వంగా సంచలన జోస్యం: ప్రపంచాన్ని వణికించనున్న కొత్త మహమ్మారి?

Baba Vanga: ప్రపంచవ్యాప్తంగా జరిగిన ఘోర విపత్తులను ముందే ఊహించిన అంధురాలైన ఆ ప్రవక్త మళ్ళీ వార్తల్లో నిలిచారు. వచ్చే రెండేళ్లలో మానవాళి కలలో కూడా ఊహించని కొత్త వ్యాధులు దాడి చేయబోతున్నాయా? చికిత్స లేని వైరస్‌లతో దేశాల ఆరోగ్య వ్యవస్థలు కుప్పకూలతాయా? నోరోవైరస్, హంటావైరస్ విజృంభణకు ఆమె జోస్యానికి ఉన్న విస్తుపోయే సంబంధం ఏంటో ఇప్పుడు తెలుసుకోండి!

భయం పుట్టిస్తున్న బాబా వంగా భవిష్యవాణి

బల్గేరియాకు చెందిన అంధ ప్రవక్త బాబా వంగా చెప్పిన మాటలు మరోసారి ప్రపంచాన్ని వణికిస్తున్నాయి. సెప్టెంబర్ 11 దాడుల నుంచి కరోనా మహమ్మారి వరకు ఆమె చెప్పినవన్నీ నిజమయ్యాయని నమ్మే వారు కోకొల్లలు. తాజాగా, 2025 నుంచి 2027 మధ్య కాలంలో ప్రపంచం అత్యంత క్లిష్ట పరిస్థితులను ఎదుర్కోబోతుందని ఆమె అంచనా వేసినట్లు ప్రచారం జరుగుతోంది. ఈ కాలంలో పూర్తిగా కొత్తవైన, గుర్తు తెలియని వైద్య పరిస్థితులు తలెత్తుతాయని, ఇవి గ్రహం మొత్తానికి మహమ్మారి తరహా ముప్పును తెస్తాయని ఆమె అనుచరులు చెబుతున్నారు.

నోరో, హంటావైరస్ విజృంభణ …

ప్రస్తుతం కొన్ని దేశాల్లో నోరోవైరస్, హంటావైరస్ కేసులు పెరుగుతుండటంతో బాబా వంగా జోస్యం నిజమవుతోందని సోషల్ మీడియాలో చర్చ మొదలైంది. చికిత్స లేని, టీకా అందుబాటులో లేని ఒక ప్రమాదకర వైరస్ వల్ల ప్రపంచ దేశాల వైద్య యంత్రాంగం ఉక్కిరిబిక్కిరి అవుతుందని ఆమె ముందే చెప్పినట్లు వార్తలు వస్తున్నాయి. అయితే, ఆయా వైరస్‌ల పేర్లను ఆమె నేరుగా ప్రస్తావించలేదని, ఆమె చెప్పిన అస్పష్టమైన మాటలను ప్రజలు ప్రస్తుత పరిస్థితులకు అన్వయించుకుంటున్నారని విశ్లేషకులు భావిస్తున్నారు.

హంటావైరస్ అలజడి.. క్రూయిజ్ షిప్‌లో మరణాలు

ఇటీవల నెదర్లాండ్స్‌కు చెందిన ఒక విహార నౌకలో హంటావైరస్ కలకలం సృష్టించింది. ఆ నౌకలో ప్రయాణిస్తున్న ముగ్గురు వ్యక్తులు ప్రాణాలు కోల్పోగా, మరికొందరు ఆసుపత్రి పాలయ్యారు. దీంతో మరోసారి ప్రపంచం కరోనా వంటి లాక్-డౌన్ పరిస్థితుల్లోకి వెళ్తుందేమోనన్న భయాందోళనలు వ్యక్తమవుతున్నాయి. ఎలుకల ద్వారా మనుషులకు వ్యాపించే ఈ వైరస్ ఊపిరితిత్తులపై తీవ్ర ప్రభావం చూపుతుంది. అలాగే మూత్రపిండాల పనితీరును కూడా పూర్తిగా దెబ్బతీస్తుంది. ఈ ఆందోళనల మధ్యే బాబా వంగా ప్రవచనాలు తెరపైకి వచ్చాయి.

అంధ ప్రవక్త శక్తి వెనుక ఉన్న అసలు కథ

1911లో జన్మించిన వాంగేలియా పాండేవా గుష్టెరోవా, తన 12వ ఏట ఒక ప్రమాదంలో కంటిచూపును కోల్పోయారు. కానీ అదే సమయంలో ఆమెకు భవిష్యత్తును చూసే శక్తి లభించిందని ప్రతీతి. 50 ఏళ్ల కాలంలో ఆమె సుమారు ఐదు వేలకు పైగా జోస్యాలు చెప్పారు. 1996లో ఆమె మరణించినప్పటికీ, ఆమె చెప్పిన మాటలు ఇప్పటికీ ప్రజలను వెంటాడుతూనే ఉన్నాయి. ఆమె చెప్పేవి నిజంగా శక్తులా లేక యాదృచ్ఛికంగా జరుగుతున్నవా అన్నది నేటికీ ఒక రహస్యమే.