Viral Video : పోలీస్ కానిస్టేబుల్ నుంచి నేషనల్ క్రష్ వరకు.!
Viral Video : సోషల్ మీడియా ప్రపంచంలో ఎప్పుడు ఎవరు, ఏ మూమెంట్లో నెటిజన్ల మనసులు దోచుకుంటారో చెప్పడం చాలా కష్టం. కంటెంట్ క్రియేటర్ నిధి పవార్ తన
Pookie Cop
Viral Video : సోషల్ మీడియా ప్రపంచంలో ఎప్పుడు ఎవరు, ఏ మూమెంట్లో నెటిజన్ల మనసులు దోచుకుంటారో చెప్పడం చాలా కష్టం. కంటెంట్ క్రియేటర్ నిధి పవార్ తన మొబైల్లో ఒక వైరల్ రీల్ను చూపిస్తున్నప్పుడు, మహారాష్ట్ర పోలీస్ కానిస్టేబుల్ వినోద్ కాళుఖే ఇచ్చిన క్యూట్ రియాక్షన్ ఒరిజినల్ వీడియో కంటే పెద్ద హిట్ అవుతుందని బహుశా ఆమె కూడా ఊహించి ఉండరు. ఆ పోలీస్ ఆఫీసర్ సిగ్గుపడుతూ ఇచ్చిన చిరునవ్వు ఇప్పుడు ఆయనను సోషల్ మీడియాలో లేటెస్ట్ 'పూకీ కాప్' (Pookie Cop)గా మార్చేసింది.
శివాజీ పార్క్ వద్ద సీన్.. వైరల్ అయిన క్యూట్ ఎక్స్ప్రెషన్
ముంబైలోని ప్రసిద్ధ శివాజీ పార్క్ వద్ద ఈ సరదా ఘటన జరిగింది. క్రియేటర్ నిధి పవార్ డ్యూటీలో ఉన్న కానిస్టేబుల్ కాళుఖే వద్దకు వెళ్లి, ట్రెండింగ్లో ఉన్న "గుడ్ గర్ల్, ఆఫీసర్" రీల్లో ఆయన కనిపించిన క్లిప్ను తన ఫోన్లో చూపించింది. కెమెరా ఒక్కసారిగా తన వైపు తిరగగానే కాళుఖే బుగ్గలు ఎరుపెక్కేలా క్యూట్గా సిగ్గుపడుతూ నవ్వేశారు. ఈ స్వీట్ అండ్ హోమ్లీ మూమెంట్కి ఫిదా అయిన ఇంటర్నెట్ యూజర్లు ఆ వీడియోను విపరీతంగా షేర్ చేస్తూ, ఆయనను "నేషనల్ క్రష్" అని, "క్యూట్ పూకీ" అని కామెంట్ల వర్షం కురిపిస్తున్నారు.
అసలు ఈ 'గుడ్ గర్ల్, ఆఫీసర్' ట్రెండ్ ఎలా స్టార్ట్ అయిందంటే
వినోద్ కాళుఖేకి రాత్రికి రాత్రే ఈ స్థాయిలో పాపులారిటీ రావడం వెనుక కొన్ని రోజుల క్రితం జరిగిన మరొక ఆసక్తికర సంఘటన ఉంది. నీట్ పేపర్ లీక్ వివాదంలో విద్యాశాఖ మంత్రి రాజీనామా చేయాలంటూ ముంబైలో విద్యార్థులు భారీ నిరసనలు చేపట్టారు. ఆ సమయంలో శ్రేయా చద్దా అనే మరో కంటెంట్ క్రియేటర్ ప్రొటెస్ట్ స్పాట్ దగ్గర డ్యూటీలో ఉన్న కానిస్టేబుల్ కాళుఖేతో ఒక చిన్న రీల్ షూట్ చేసింది.
లానా డెల్ రే (Lana Del Rey) పాడిన "ఎవ్రీబడీ నోస్ దట్ ఐ యామ్ ఎ గుడ్ గర్ల్, ఆఫీసర్" అనే ఆడియోను బ్యాక్గ్రౌండ్లో ప్లే చేస్తూ, కాళుఖేతో సరదాగా మాట్లాడింది. ఆ రీల్ పోస్ట్ చేయగానే లక్షల కొద్దీ వ్యూస్తో విపరీతంగా ట్రెండ్ అయింది. దాంతో మిగతా క్రియేటర్లు కూడా ఇదే ఆడియోను వాడుతూ ప్రొటెస్ట్స్ కవర్ చేస్తున్న పోలీసులతో సరదాగా రీల్స్ చేయడం ప్రారంభించారు.
పోరాటంలో జెన్-జీ (Gen Z) వినూత్న శైలి
'కాక్రోచ్ జనతా పార్టీ' (CJP) ఆధ్వర్యంలో దేశవ్యాప్తంగా సాగిన విద్యార్థి ఆందోళనల్లో జెన్-జీ (Gen Z) యువత పాల్గొన్న తీరు అందరినీ ఆకట్టుకుంది. కేవలం సీరియస్ ఉపన్యాసాలు, నిరసన ర్యాలీలకే పరిమితం కాకుండా.. మీమ్స్, ట్రెండింగ్ ఆడియోలు, రీల్స్ , ఫన్నీ ఇంటరాక్షన్స్ ద్వారా తమ నిరసనను డిజిటల్ స్పేస్లో బలంగా వినిపించారు. ఉద్యమంలో తీవ్రమైన రాజకీయ పోరాటంతో పాటు ఈ విధమైన హ్యూమర్ను జోడించి సోషల్ మీడియాను షేక్ చేశారు.
ఉద్యమం ముగిసినా ఆగని 'పూకీ' ట్రెండ్
విద్యార్థుల సుదీర్ఘ పోరాటానికి దిగొచ్చిన ప్రభుత్వం వారి డిమాండ్లను అంగీకరించడంతో శనివారం రోజున ఈ నిరసనలకు తెరపడింది. అయితే ఉద్యమం పూర్తయి, విద్యాశాఖ మంత్రి రాజీనామా చేసినప్పటికీ, కానిస్టేబుల్ వినోద్ కాళుఖేకు సంబంధించిన సిగ్గులొలికే వీడియోలు మాత్రం సోషల్ మీడియాలో ఇంకా సంచలనం సృష్టిస్తూనే ఉన్నాయి. ఈ తీవ్ర పరిస్థితుల్లోనూ మనుషులను దగ్గర చేసే ఇలాంటి చిన్న చిన్న మధుర క్షణాలు నెటిజన్లను ఎంతగానో అలరిస్తున్నాయి.
G Krishna
అక్షరంతో మొదలైన ప్రయాణం.. అంకెల్లో చెప్పాలంటే పదేళ్ల అనుభవం..! 2015లో కెరీర్ స్టార్ట్ చేసి, ప్రింట్ మీడియా నుంచి డిజిటల్ విప్లవం వరకు అన్నిటినీ దగ్గరగా చూశాను. అంతర్జాతీయ పరిణామాల నుంచి దేశ రాజధాని రాజకీయాల వరకు, గల్లీ స్థాయి వార్తల నుంచి ఢిల్లీ స్థాయి విశ్లేషణల వరకు ప్రతి అంశాన్ని లోతుగా అధ్యయనం చేస్తూ కథనాలు అందించాను. టెక్నాలజీ స్పీడ్, బిజినెస్ లెక్కలైనా, ఆస్ట్రాలజీ విశ్లేషణ ఏదైనా.. నా నుంచి వచ్చే ప్రతి కథనం ప్రతి వార్త పాఠకుడికి ఇన్ఫర్మేషన్తో పాటు ఇంట్రెస్ట్ను కూడా అందిస్తుంది.