Viral Video : ఫ్రీ అంటే చాలు.. మనోళ్లు ప్రాణాలు సైతం లెక్క చేయరు.. చచ్చిన కోళ్లను బస్తాల్లో నింపుతున్న జనం

Viral Video : సోషల్ మీడియాలో ప్రతిరోజూ ఎన్నో వింత వీడియోలు చూస్తుంటాం. కానీ, ఇప్పుడు వైరల్ అవుతున్న ఒక వీడియో చూస్తే మాత్రం నవ్వాలో, ఏడవాలో అర్థం కానంత షాకింగ్‌గా ఉంది. ఉచితంగా ఏది దొరికినా వదలని జనం.. చివరకు రోడ్డు పక్కన పడేసిన చచ్చిన కోళ్లను కూడా వదలకుండా ఎగబడి మరీ దోచుకుపోతున్నారు. ఆరోగ్య సూత్రాలను పక్కన పెట్టి, కేవలం ఫ్రీగా వస్తోందన్న ఆశతో జనం చేస్తున్న ఈ పని ఇప్పుడు ఇంటర్నెట్‌లో హాట్ టాపిక్‌గా మారింది.

ఏం జరిగిందంటే?

వైరల్ అవుతున్న వీడియో ప్రకారం.. ఒక ట్రక్కులో చనిపోయిన కోళ్లను తీసుకొచ్చి రోడ్డు పక్కన ఉన్న నిర్మానుష్య ప్రదేశంలో పడేశారు. ఏదైనా వ్యాధి సోకడం వల్ల లేదా రవాణా సమయంలో ఊపిరాడక చనిపోయిన కోళ్లను పారవేయడం సాధారణమే. కానీ, ఆ కోళ్లు అక్కడ పడి ఉన్నాయని తెలియగానే చుట్టుపక్కల గ్రామాల జనం ఎగబడ్డారు. అక్కడ పడి ఉన్నవి బతికున్న కోళ్లు కాదు, చనిపోయి కుళ్ళిపోతున్న స్థితిలో ఉన్నవని తెలిసినా ఎవరూ పట్టించుకోలేదు.

ప్రజలు ఏమాత్రం సంకోచించకుండా, అసహ్యం పడకుండా ఆ చచ్చిన కోళ్లను చేతులతో పట్టుకుని బస్తాల్లో నింపుకోవడం వీడియోలో స్పష్టంగా కనిపిస్తోంది. కొందరు చేతులతో పట్టుకుంటే, మరికొందరు ముందుగానే ప్లాన్ చేసుకున్నట్లు ఖాళీ సంచులతో వచ్చి మరీ వీటిని నింపుకుపోతున్నారు. అక్కడ కోళ్ల కోసం జనం మధ్య తోపులాట కూడా జరిగింది. ఏదో అరుదైన వస్తువులను పంచుతున్నట్లు జనం ఎగబడటం చూసి నెటిజన్లు ఆశ్చర్యపోతున్నారు.

ఆరోగ్యంపై ఆందోళన

నిజానికి చనిపోయిన జంతువులను లేదా పక్షులను తాకడం, వాటి మాంసాన్ని తినడం అత్యంత ప్రమాదకరం. చనిపోయిన కోళ్లలో బ్యాక్టీరియా, వైరస్‌లు వేగంగా వృద్ధి చెందుతాయి. వీటిని తినడం వల్ల ఫుడ్ పాయిజన్ కావడమే కాకుండా, ప్రాణాంతకమైన వ్యాధులు వచ్చే అవకాశం ఉంది. అయినప్పటికీ, కనీస అవగాహన లేకుండా జనం వీటిని ఇంటికి తీసుకెళ్లడం ఆందోళన కలిగిస్తోంది. హోటళ్లలో చౌకగా అమ్మడానికి ఇలా చేస్తున్నారా లేదా సొంత అవసరాలకా అనేది తెలియాల్సి ఉంది.

View this post on Instagram

A post shared by BENARAS GLOBAL TIMES (@benarasglobaltimes)

నెటిజన్ల రియాక్షన్

ఈ వీడియోపై సోషల్ మీడియాలో రకరకాల కామెంట్లు వస్తున్నాయి. చికెన్ రేట్లు పెరిగితే ఇలాంటి పనులే చేస్తారు అని కొందరు సెటైర్లు వేస్తుంటే, "ఇలాంటివి తింటే ఆసుపత్రి పాలవ్వడం ఖాయం, ప్రాణాలతో చెలగాటం వద్దు" అని మరికొందరు హెచ్చరిస్తున్నారు. ఇలాంటి వాటిని అరికట్టాల్సిన అధికారులు ఎక్కడున్నారని నెటిజన్లు ప్రశ్నిస్తున్నారు. ఎక్కడ జరిగిందనేది కచ్చితంగా తెలియనప్పటికీ, ఈ వీడియో మాత్రం ప్రస్తుతం ఇంటర్నెట్‌ను ఊపేస్తోంది.