Viral: ఆడు మగాడ్రా బుజ్జీ! మాజీ ప్రేయసిపై కేసు.. రూ. 3.50 కోట్లు తిరిగి ఇవ్వాలని డిమాండ్..

Viral: ఆధునిక సంబంధాలలో ఆర్థిక లావాదేవీలు కొన్నిసార్లు కోర్టుల వరకు వెళుతున్నాయి. తాజాగా వెలుగులోకి వచ్చిన ఒక ఘటనలో సింగపూర్‌కు చెందిన భారత మూలాలున్న లాజిస్టిక్స్ కంపెనీ సీఈఓ చందర్ అగర్వాల్ తన మాజీ ప్రేయసిపై కోర్టును ఆశ్రయించారు.

ఫెలిసియా లీ అనే వ్యక్తితో గతంలో ఆయన సంబంధం కొనసాగించారు. ఆ సమయంలో ఆమె లగ్జరీ వస్తువులు కొనుగోలు చేయడానికి, చదువు ఖర్చుల నిమిత్తం భారీ మొత్తంలో నగదు వెచ్చించారు. వేరే వ్యక్తితో రిలేషన్‌లో ఉందనే అనుమానంతో 2023లో ఆమె నుంచి ఆయన విడిపోయారు. ఆ తర్వాత తాను ఖర్చు చేసిన మొత్తం డబ్బును వెనక్కి ఇవ్వాలని కోరుతూ కోర్టులో పిటిషన్ దాఖలు చేశారు.

విచారణ సందర్భంగా బాధితుడు తాను సమకూర్చిన మొత్తం నిధులను వివరంగా తెలిపారు. ఎల్‌వీ బ్రాండ్ లగ్జరీ వస్తువులు, విదేశీ విద్య ఖర్చులు ఇతర అవసరాల కోసం ఏకంగా రూ. 3 కోట్ల 50 లక్షలు ఖర్చు చేసినట్లు న్యాయస్థానానికి వివరించారు. బంధం ముగిసిన తర్వాత ఆ ఆర్థికసాయాన్ని తిరిగి చెల్లించాలని డిమాండ్ చేశారు. అయితే ఇరువైపుల వాదనలు విన్న న్యాయస్థానం కీలక తీర్పు వెలువరించింది.

ప్రేమికుల మధ్య జరిగిన ఖర్చులను రుణాలుగా పరిగణించలేమని స్పష్టం చేసింది. ఆ మొత్తాన్ని బహుమతులు లేదా గిఫ్ట్‌ల రూపంలో ఖర్చు చేసినట్లు నిర్ధారించింది. ఈ కారణంగా పిటిషనర్ దాఖలు చేసిన కేసుకు చట్టపరమైన నిలకడ లేదని తేల్చి చెప్పింది.

కోర్టు ఈ కేటగిరి కింద దాఖలైన పిటిషన్‌ను అధికారికంగా కొట్టేసింది. వ్యక్తిగత సంబంధాలలో ఇచ్చిపుచ్చుకొనే కానుకలను తిరిగి రాబట్టుకోవడం సాధ్యం కాదని న్యాయస్థానం స్పష్టం చేసింది. ప్రస్తుత కాలంలో ఇలాంటి కేసులు పెరుగుతుండగా, న్యాయస్థానాల తీర్పులు స్పష్టమైన సందేశాన్ని ఇస్తున్నాయి.

బంధాలు ముగిసిన తర్వాత ఆరోపణలు, ప్రతి ఆరోపణలు పక్కన పెట్టి చట్టపరమైన పరిధులను మాత్రమే పరిగణలోకి తీసుకుంటారు. ఈ తీర్పుతో సీఈఓ ప్రయత్నం విఫలమైంది. వ్యక్తిగత జీవితంలో ఎదురయ్యే భావోద్వేగ మలుపులు ఆర్థిక వివాదాలకు దారితీస్తున్న తీరుకి ఈ ఉదంతం నిదర్శనంగా నిలుస్తోంది. భవిష్యత్తులో ఇలాంటి వివాదాలకు దూరంగా ఉండాలని నిపుణులు సూచిస్తున్నారు.