Viral Video : వ్యూస్ కోసం ఎంతకైనా తెగిస్తారా? మురికి నీళ్లలో స్నానం చేసి.. అందులోనే ఆహారాన్ని..!
Viral Video : సోషల్ మీడియాలో పాపులారిటీ సంపాదించడం, వ్యూస్ కోసం పాకులాడటం అనేది నేడు ఒక పిచ్చిగా మారిపోయింది. వైరల్ అవ్వాలనే ఆరాటంలో
viral-video
Viral Video : సోషల్ మీడియాలో పాపులారిటీ సంపాదించడం, వ్యూస్ కోసం పాకులాడటం అనేది నేడు ఒక పిచ్చిగా మారిపోయింది. వైరల్ అవ్వాలనే ఆరాటంలో కొంతమంది తమ ప్రాణాలను పణంగా పెట్టడమే కాకుండా, కనీస విజ్ఞతను మరిచి జుగుప్సాకరమైన పనులకు ఒడిగడుతున్నారు. తాజాగా ఓ ప్రముఖ సోషల్ మీడియా ఇన్ఫ్లుయెన్సర్ చేసిన పని చూసి నెటిజన్లు తీవ్ర అసహ్యం వ్యక్తం చేస్తున్నారు.
మురికి కాలువలో స్నానం.. అక్కడే విందు
సోషల్ మీడియాలో 'పునీత్ సూపర్ స్టార్'గా గుర్తింపు పొందిన ఒక వ్యక్తి, తన వింత ప్రవర్తనతో తరచూ వార్తల్లో నిలుస్తుంటాడు. గతంలో మురికి నీళ్ల దగ్గర వీడియోలు చేస్తూ ఫేమస్ అయిన ఇతగాడు, తాజాగా మరోసారి హద్దులు దాటాడు. ఒక మురికి కాలువ దగ్గరకు వెళ్లిన అతడు, కేవలం రీల్ కోసం మొదట ఆ మురికి నీళ్లలోనే స్నానం చేశాడు. అంతటితో ఆగకుండా, ఆ కాలువ గట్టుపై కూర్చుని ఆహారం తినడం మొదలుపెట్టాడు.
నీళ్లలో ముంచి మరీ.. ఆహారం తిన్న వైనం
అతడు తింటున్నది చోలే , ఆలూ కుల్చే అనే నార్త్ ఇండియన్ వంటకాలు. సాధారణంగా మనం బిస్కెట్ను టీలో ముంచుకుని ఎంత ఇష్టంగా తింటామో, అతడు ఆ ఆలూ కుల్చేలను మురికి కాలువలోని మురికి నీళ్లలో ముంచి మరీ తిన్నాడు. ఈ దృశ్యాలు చూస్తున్న ఎవరికైనా వికారం కలిగేలా ఉన్నాయి. ఒకవైపు అనారోగ్యకరమైన వాతావరణం, మరోవైపు ప్రాణాంతకమైన బ్యాక్టీరియా ఉండే మురికి నీళ్లలో ఆహారాన్ని ముంచి తినడం అందరినీ షాక్కు గురిచేసింది.
నెటిజన్ల ఆగ్రహం.. ప్రాణాలతో చెలగాటమేనా?
ప్రస్తుతం ఈ వీడియో సోషల్ మీడియాలో విపరీతంగా వైరల్ అవుతోంది. ఈ వీడియోను చూసిన నెటిజన్లు అతడిపై తిట్ల దండకం అందుకుంటున్నారు. "వ్యూస్ కోసం మరీ ఇంతలా దిగజారాలా?", "కొంతమంది పాపులారిటీ కోసం తమ ప్రాణాలను కూడా రిస్క్లో పెడుతున్నారు" అని మండిపడుతున్నారు. మరికొందరు "ఈ వీడియో చూస్తుంటేనే వాంతికి వస్తోంది, అతనెలా ఆ నీళ్లలో ముంచి తిన్నాడో అర్థం కావడం లేదు" అంటూ కామెంట్లతో నిరసన వ్యక్తం చేస్తున్నారు.
సోషల్ మీడియా క్రేజ్.. ఎటు దారితీస్తోంది?
ఇలాంటి పిచ్చి పనులు కేవలం లైక్లు, షేర్ల కోసమే చేస్తున్నారని స్పష్టమవుతోంది. అయితే, ఇటువంటి చర్యలు చూసేవారికి తప్పుడు సందేశాన్ని ఇవ్వడమే కాకుండా, చేసేవారి ఆరోగ్యానికి కూడా తీరని నష్టాన్ని కలిగిస్తాయి. ఇన్ఫ్లుయెన్సర్లు బాధ్యతగా వ్యవహరించాలని, ఇటువంటి అసభ్యకరమైన , హానికరమైన కంటెంట్ను ప్రోత్సహించకూడదని పలువురు మేధావులు హెచ్చరిస్తున్నారు.
G Krishna
అక్షరంతో మొదలైన ప్రయాణం.. అంకెల్లో చెప్పాలంటే పదేళ్ల అనుభవం..! 2015లో కెరీర్ స్టార్ట్ చేసి, ప్రింట్ మీడియా నుంచి డిజిటల్ విప్లవం వరకు అన్నిటినీ దగ్గరగా చూశాను. అంతర్జాతీయ పరిణామాల నుంచి దేశ రాజధాని రాజకీయాల వరకు, గల్లీ స్థాయి వార్తల నుంచి ఢిల్లీ స్థాయి విశ్లేషణల వరకు ప్రతి అంశాన్ని లోతుగా అధ్యయనం చేస్తూ కథనాలు అందించాను. టెక్నాలజీ స్పీడ్, బిజినెస్ లెక్కలైనా, ఆస్ట్రాలజీ విశ్లేషణ ఏదైనా.. నా నుంచి వచ్చే ప్రతి కథనం ప్రతి వార్త పాఠకుడికి ఇన్ఫర్మేషన్తో పాటు ఇంట్రెస్ట్ను కూడా అందిస్తుంది.