Varahi Devi: పనులు వేగంగా పూర్తికావాలంటే... వారాహిని ఇలా ఆరాధించాలి

Varahi Devi: ఆటంకాలు ఎదురైనప్పుడు కేవలం శ్రమ మాత్రమే సరిపోదు. సరైన వ్యూహం, నిర్ణయాత్మకమైన శక్తుల అనుకూలత కూడా అత్యంత అవసరం. ఆషాఢ మాసంలో వచ్చే ఆధ్యాత్మిక పరిణామాల్లో గుప్త నవరాత్రులకు ఒక ప్రత్యేక వ్యూహాత్మక ప్రాధాన్యత ఉంది. ఇందులోనూ ఎనిమిదవ రోజున నిర్వహించే 'అశ్వారూఢ వారాహి' ఆరాధన, నిలిచిపోయిన పనులను అత్యంత వేగంగా పూర్తి చేసే ఒక శక్తివంతమైన పరిష్కారంగా నిలుస్తుంది. రాజకీయాల్లో లేదా అంతర్జాతీయ వ్యవహారాల్లో సంక్షోభాలను అధిగమించడానికి నిష్కృష్టమైన చర్యలు ఎంత కీలకమో, వ్యక్తిగత జీవితంలో గ్రహదోషాలను, ఆటంకాలను దాటడానికి ఈ సాధన అంతే ప్రభావాన్ని చూపుతుందని విశ్వసిస్తారు.

ఆరాధనా విధానం

వారాహి నవరాత్రుల్లో ఒక్కోరోజు అమ్మవారిని ఒక్కోవిధంగా ఆరాధిస్తారు. ఆయా విధానాలను బట్టి ఫలితాలు ఉంటాయి. ఇక ఎనిమిదవ రోజున అమ్మవారిని నవధాన్యాలను ఉపయోగించి దీపాన్ని వెలిగించడం ద్వారా నవగ్రహాల కూర్పు సమానత్వంలోకి వస్తుంది. గ్రహ దోషాలు నివారించబడతాయి. తద్వారా జీవితంలో అనుకూలత లభిస్తుంది. నవగ్రహాల కారణంగా ఆగిపోయిన పనులు తిరిగి ప్రారంభమౌతాయి.

నైవేద్యం

ఇక అమ్మవారికి ఈరోజున నువ్వులతో చేసిన అన్నం లేదా నువ్వులతో చేసిన ప్రత్యేకమైన లడ్డూలను నైవేద్యంగా సమర్పిస్తారు. నువ్వులు ప్రతికూల శక్తులను నిర్వీర్యం చేస్తాయి. ఇక ప్రతి జీవికి అవసరమైన అన్నం ప్రతికూల శక్తులను దూరం చేస్తుంది. తద్వారా కోరకల సాధనకు సానుకూలమైన వాతావరణం ఏర్పడుతుంది. చిన్న ప్రయత్నంతోనే పనులు పూర్తవుతాయి. ఇక ఈరోజున అమ్మవారి ఆరాధన కోసం అశ్వారూఢే అప్రతిరోధే అశ్వ వేగేన శత్రూన్‌ జహి మమ కార్యం శీఘ్రం సాధయా స్వాహా అనే అత్యంత కీతకమైన మంత్రాన్ని జపించాలి. మనఃస్ఫూర్తిగా అత్యంత భక్తి శ్రద్దలతో కనీసం 108 సార్లు పఠించడం వలన అంతర్గత, బాహ్య శతృవుల ఆటంకాలు తొలగిపోతాయి.

నవగ్రహాల అనుకూలత

నవగ్రహాల అనుకూలత లభించకపోవడం వల్లే చాలా సార్లు కీలకమైన వ్యవహారాలు చివరి నిమిషంలో ఆగిపోతుంటాయి. ఈ రోజు అశ్వారూఢ వారాహి ఆరాధన అనేది ప్రతిబంధకాలను దాటుకుని, పనులను నిర్ణీత సమయంలో పూర్తి చేయడానికి ఒక దివ్యమైన మార్గ నిర్దేశం చేస్తుంది. శ్రద్ధతో ఈ ప్రక్రియను పాటించడం ద్వారా నిలిచిపోయిన ప్రణాళికలు వేగవంతమై ఆశించిన ఫలితాలు అందుతాయి.