IPL: ఐపీఎల్‌లో అభిషేక్ మ‌రో అరుదైన రికార్డు.. కేవ‌లం 15 బంతుల్లోనే

IPL: అభిషేఖ్ శ‌ర్మ తాజాగా చెన్నై సూప‌ర్ కింగ్స్‌పై జరిగిన మ్యాచ్‌లో అద్భుతమైన బ్యాటింగ్‌తో కొత్త రికార్డు సృష్టించాడు. శనివారం (ఏప్రిల్ 18) జరిగిన ఈ మ్యాచ్‌లో అతను కేవలం 15 బంతుల్లోనే అర్ధశతకం పూర్తి చేశాడు. దీంతో ఐపీఎల్‌లో స‌న్‌రైజ‌ర్స్ హైద‌రాబాద్ తరఫున ఓపెనర్‌గా అత్యంత వేగంగా ఫిఫ్టీ చేసిన ఆటగాడిగా నిలిచాడు.

తన రికార్డును తానే బద్దలు కొట్టిన అభిషేక్

అభిషేక్ శర్మ ఇప్పటికే 2024లో ముంబై ఇండియ‌న్స్‌పై 16 బంతుల్లో ఫిఫ్టీ చేసి రికార్డు సృష్టించాడు. ఇప్పుడు అదే రికార్డును 15 బంతుల్లో ఫిఫ్టీతో బద్దలు కొట్టి కొత్త రికార్డు సెట్ చేశాడు. ఇది అతని దూకుడు ఆటకు మంచి ఉదాహరణగా నిలిచింది.

22 బంతుల్లో 59 పరుగులు.. జట్టుకు విజయం

ఈ మ్యాచ్‌లో అభిషేక్ శర్మ కేవలం 22 బంతుల్లోనే 59 పరుగులు చేశాడు. ఇందులో 6 ఫోర్లు, 4 సిక్సర్లు ఉన్నాయి. అతని ఈ వేగవంతమైన ఇన్నింగ్స్ జట్టుకు మంచి స్కోర్ అందించింది. చివరికి సన్‌రైజర్స్ హైదరాబాద్ 10 పరుగుల తేడాతో మ్యాచ్‌ను గెలుచుకుంది.

ఈ సీజన్‌లో అభిషేక్ ప్రదర్శన

ఈ సీజన్‌లో ఇప్పటివరకు అభిషేక్ శర్మ ప్రదర్శన మిశ్రమంగా ఉంది. మొదటి మ్యాచ్‌లో తక్కువ స్కోర్ చేసినప్పటికీ, తరువాతి మ్యాచ్‌లలో మంచి ఇన్నింగ్స్ ఆడాడు. ఇప్పటివరకు 6 మ్యాచ్‌లు ఆడిన అతను 188 పరుగులు చేశాడు. సగటు 31.33, స్ట్రైక్ రేట్ 229.26గా ఉంది. అలాగే అతని మొత్తం ఐపీఎల్ కెరీర్‌లో 83 మ్యాచ్‌లు ఆడి, 2000కు పైగా పరుగులు సాధించాడు. ఇందులో ఒక సెంచరీ, 11 హాఫ్ సెంచరీలు ఉన్నాయి. అతని అత్యధిక స్కోర్ 141 పరుగులు.