Duleep Trophy 2026: దులీప్ ట్రోఫీ 2026లో దుమ్మురేపారు.. కట్‌చేస్తే.. కివీస్‌తో టెస్ట్ సిరీస్‌కు ఆ ముగ్గురుకి లక్కీ ఛాన్స్..?

Duleep Trophy 2026: దులీప్ ట్రోఫీ 2026లో రాణించిన ముగ్గురు ఆటగాళ్లు న్యూజిలాండ్ టెస్టు పర్యటనకు భారత జట్టులో చోటు కోసం తమ వాదనను బలపర్చుకున్నారు. నవంబర్ 19 నుంచి న్యూజిలాండ్‌తో భారత్ రెండు టెస్టుల సిరీస్ ఆడనుంది. డబ్ల్యూటీసీ ఫైనల్ రేసు దృష్ట్యా కీలకమైన ఈ సిరీస్‌కు దేశవాళీ ప్రదర్శనలు సెలక్షన్‌లో ప్రాధాన్యం సంతరించుకోనున్నాయి.

ఇషాన్ కిషన్ జోరు..

ఈ జాబితాలో ఇషాన్ కిషన్ ముందున్నాడు. దులీప్ ట్రోఫీ 2026 ఫైనల్ (Duleep Trophy 2026 Final)లో ఈస్ట్ జోన్ కెప్టెన్ భారీ 270 పరుగుల ఇన్నింగ్స్‌తో ఆకట్టుకున్నాడు. టోర్నీలో నాలుగు ఇన్నింగ్స్‌ల్లో 109.66 సగటుతో 329 పరుగులు చేశాడు. ఈ ప్రదర్శనతో న్యూజిలాండ్ టెస్ట్ స్క్వాడ్‌లో అతడి పేరు పరిశీలనలోకి వచ్చే అవకాశం ఉంది. ఇషాన్ 2023లో టెస్టుల్లో అరంగేట్రం చేసి రెండు మ్యాచ్‌లు ఆడాడు.

ముఖేశ్ వికెట్ల వేట..

పేస్ విభాగంలో ముఖేశ్ కుమార్ తన అవకాశాలను మెరుగుపర్చుకున్నాడు. దులీప్ ట్రోఫీ 2026 (Duleep Trophy 2026)లో మూడు ఇన్నింగ్స్‌ల్లోనే 11 వికెట్లు పడగొట్టాడు. న్యూజిలాండ్ పరిస్థితుల్లో భారత పేసర్లపై ఆధారపడే అవకాశం ఉండటంతో.. దేశవాళీ క్రికెట్‌లో అతడి ప్రదర్శన సెలెక్టర్ల దృష్టిని ఆకర్షించవచ్చు.

ఈశ్వరన్‌కు మరో అవకాశం..

ఓపెనింగ్ విభాగంలో అభిమన్యు ఈశ్వరన్ కూడా పోటీలో ఉన్నాడు. నాలుగు ఇన్నింగ్స్‌ల్లో రెండు అర్ధశతకాల సాయంతో 180 పరుగులు చేశాడు. ఇప్పటివరకు టెస్టుల్లో అరంగేట్రం చేయని ఈశ్వరన్‌ను బ్యాకప్ ఓపెనర్‌గా ఎంపిక చేసే అవకాశం ఉంది.

నవంబర్‌లో న్యూజిలాండ్‌తో పోరు..

ప్రస్తుతం యశస్వి జైస్వాల్, కేఎల్ రాహుల్ భారత టెస్టు ఓపెనింగ్ జోడీగా ఉన్నారు. అయినా న్యూజిలాండ్ పర్యటన కోసం అదనపు ఓపెనర్ అవసరమైతే ఈశ్వరన్ పేరు పరిగణనలోకి రావొచ్చు. ఇదే సమయంలో ఇషాన్ బ్యాటింగ్ ఫామ్, ముఖేశ్ బౌలింగ్ గణాంకాలు వారి ఎంపిక అవకాశాలను బలోపేతం చేశాయి. అయితే తుది జట్టును సెలెక్టర్లు నిర్ణయించాల్సి ఉంటుంది.