Ind vs NZ ODI: చివరి దాకా ఉత్కంఠ.. కివీస్‌ను కూల్చి సిరీస్ కొట్టేసిన భారత్!

Ind vs NZ ODI: మౌంట్ మౌంగనుయ్‌లోని బే ఓవల్ వేదికగా జరిగిన చివరి వన్డేలో భారత్ అద్భుత పోరాటపటిమ కనబరిచింది. న్యూజిలాండ్‌పై 22 పరుగుల తేడాతో ఘన విజయం సాధించి, ఐదు మ్యాచ్‌ల వన్డే సిరీస్‌ను 3-1 తేడాతో కైవసం చేసుకుంది. ఆరంభంలో తడబడినప్పటికీ, బౌలర్లు సమష్టిగా రాణించి జట్టుకు చిరస్మరణీయ విజయాన్ని అందించారు.

తడబడిన టాప్ ఆర్డర్.. ఆదుకున్న అక్షర్, ఇషాన్

టాస్ గెలిచి బౌలింగ్ ఎంచుకున్న కివీస్ కెప్టెన్ మిచెల్ సాంట్నర్ నిర్ణయానికి తగినట్టుగానే భారత బ్యాటర్లు ఆరంభంలో పెవిలియన్‌కు క్యూ కట్టారు. రోహిత్ శర్మ (7), విరాట్ కోహ్లీ (5), రుతురాజ్ గైక్వాడ్ (18) త్వరగానే అవుట్ కావడంతో భారత్ కేవలం 34 పరుగులకే 3 వికెట్లు కోల్పోయి పీకల్లోతు కష్టాల్లో పడింది. ఈ క్లిష్ట సమయంలో కెప్టెన్ శ్రేయస్ అయ్యర్ (22) కాసేపు క్రీజులో నిలవగా.. అక్షర్ పటేల్ (46), వికెట్ కీపర్ ఇషాన్ కిషన్ (46) బాధ్యతాయుతమైన ఇన్నింగ్స్‌తో జట్టును ఆదుకున్నారు. చివర్లో మహ్మద్ సిరాజ్ (14 నాటౌట్), అర్ష్‌దీప్ సింగ్ (14) విలువైన పరుగులు జోడించడంతో భారత్ 42.1 ఓవర్లలో 209 పరుగులకు ఆలౌట్ అయింది. కివీస్ బౌలర్లలో సాంట్నర్, డఫీ చెరో 3 వికెట్లు తీశారు.

భారత పేసర్ల విజృంభణ.. కుప్పకూలిన కివీస్ మిడిల్ ఆర్డర్

స్వల్ప లక్ష్య ఛేదనకు దిగిన న్యూజిలాండ్‌కు భారత పేసర్లు చుక్కలు చూపించారు. అర్ష్‌దీప్ సింగ్, మహ్మద్ సిరాజ్‌తో పాటు అరంగేట్ర బౌలర్ యశ్ ఠాకూర్ ఆరంభం నుంచే కట్టుదిట్టంగా బౌలింగ్ చేసి కివీస్ బ్యాటర్లను ఒత్తిడిలోకి నెట్టారు. డీన్ ఫాక్స్‌క్రాఫ్ట్ (31), నిక్ కెల్లీ (24), విల్ యంగ్ (22) మినహా మిగతావారంతా విఫలమయ్యారు. భారత బౌలర్ల దాటికి కివీస్ మిడిల్ ఆర్డర్ కుప్పకూలింది. ఒక దశలో 119 పరుగులకే 6 వికెట్లు కోండి కష్టాల్లో పడింది.

ఉత్కంఠ పోరులో భారత్దే విజయం.. సిరీస్ కైవసం

ఓటమి ఖాయ అనుకున్న తరుణంలో జాకబ్ డఫీ, బ్లెయిర్ టిక్నర్ (14) పోరాడే ప్రయత్నం చేశారు. అయితే భారత బౌలర్లు వారిని ఎక్కువసేపు క్రీజులో నిలవనివ్వలేదు. 47వ ఓవర్లో డఫీని, 49వ ఓవర్ తొలి బంతికి టిక్నర్‌ను అక్షర్ పటేల్ పెవిలియన్‌కు పంపాడు. దీంతో కివీస్ 48.1 ఓవర్లలో 187 పరుగులకే ఆలౌట్ అయింది. ఫలితంగా భారత్ 22 పరుగుల తేడాతో విజయం సాధించి, సిరీస్‌ను తన ఖాతాలో వేసుకుంది.