IPL 2026: వస్తున్నాడు.. వస్తున్నాడు.. ధోని రాకతో చెన్నైకి కొత్త ఊపు రాబోతోందా.?
IPL 2026: ఐపీఎల్ 2026 సీజన్ ప్రారంభం నుంచే చెన్నై సూపర్ కింగ్స్కు పెద్ద దెబ్బ తగిలింది. జట్టు కీలక ఆటగాడు ఎంఎస్ ధోనీ గాయంతో దూరం కావడంతో ప్రారంభ మ్యాచ్ల్లో టీమ్ స్థిరత్వం కోల్పోయింది. అయితే ఇప్పుడు ఆ లోపం తీరనుంది.
IPL 2026
IPL 2026: ఐపీఎల్ 2026 సీజన్ ప్రారంభం నుంచే చెన్నై సూపర్ కింగ్స్కు పెద్ద దెబ్బ తగిలింది. జట్టు కీలక ఆటగాడు ఎంఎస్ ధోనీ గాయంతో దూరం కావడంతో ప్రారంభ మ్యాచ్ల్లో టీమ్ స్థిరత్వం కోల్పోయింది. అయితే ఇప్పుడు ఆ లోపం తీరనుంది.
ఐపీఎల్ 2026లో ఇప్పటి వరకు ఆరు మ్యాచ్లు ఆడిన చెన్నై సూపర్ కింగ్స్ కేవలం రెండు విజయాలు మాత్రమే సాధించడం జట్టు పరిస్థితిని స్పష్టంగా చూపించింది. ముఖ్యంగా ఒత్తిడి సమయంలో సరైన నిర్ణయాలు తీసుకోవడంలో అనుభవం కొరవడింది.
ప్రాక్టీస్లో ధోనీ… రీఎంట్రీకి సంకేతాలు
ఇటీవల నెట్ ప్రాక్టీస్లో ధోనీ కనిపించడం అభిమానులకు పెద్ద ఊరట ఇచ్చింది. సాధారణంగా వికెట్ కీపింగ్ ప్రాక్టీస్ చేయని ధోనీ, ఈసారి గ్లోవ్స్ ధరించి కీపింగ్ చేయడం అందరినీ ఆశ్చర్యపరిచింది. ఇది ఆయన మ్యాచ్కు సిద్ధమవుతున్నారని స్పష్టమైన సంకేతంగా భావిస్తున్నారు. మాజీ ఆటగాళ్లు కూడా ఇది మంచి పరిణామమని చెబుతున్నారు.
ముంబై మ్యాచ్కు ముందు హైప్ పెరిగింది
ముంబై ఇండియన్స్తో మ్యాచ్ అంటే ఎప్పుడూ ప్రత్యేకమే. ఇరు జట్లు ఐపీఎల్లో అత్యంత విజయవంతమైన జట్లలో ఒకటి. ఇలాంటి కీలక పోరుకు ముందు ధోనీ తిరిగి రావచ్చనే వార్తలు మరింత ఆసక్తిని పెంచాయి. పాయింట్ల పట్టికలో వెనుకబడి ఉన్న సీఎస్కేకు ఈ మ్యాచ్ చాలా కీలకం.
గత రెండు సీజన్లలో ధోనీ లోయర్ ఆర్డర్లో బ్యాటింగ్ చేస్తూ జట్టుకు విలువైన పరుగులు అందించాడు. తక్కువ బంతుల్లో ఎక్కువ పరుగులు చేయడం ఆయన ప్రత్యేకత. అలాగే కెప్టెన్ రుతురాజ్ గైక్వాడ్కు ఆయన ఇచ్చే సూచనలు జట్టుకు బలంగా మారతాయి. ఇప్పుడు ధోనీ మైదానంలోకి దిగితే, సీఎస్కేలో కొత్త జోష్ రావడం ఖాయం. అభిమానులు కూడా ఆయన రాకతో జట్టు గెలుపు పథంలోకి తిరిగి వస్తుందని ఆశిస్తున్నారు.
Mokshith
2015లో జర్నలిజం స్కూల్ ద్వారా నా కెరీర్ను ప్రారంభించాను. అనంతరం 2016 నుంచి పలు మీడియా సంస్థల్లో పనిచేశాను. మొదట ప్రింట్ ఆ తర్వాత డిజిటల్లో కలిపి మొత్తం 10 ఏళ్ల అనుభవం ఉంది. నేను ఎక్కువగా లైఫ్స్టైల్, అంతర్జాతీయం, టెక్నాలజీ, బిజినెస్, ఆస్ట్రాలజీకి సంబంధించి వార్తలు రాస్తుంటాను.