IPL 2026: హీటెక్కుతోన్న ఆరెంజ్‌, ప‌ర్పుల్ క్యాప్ రేస్‌.. ఈరోజు ఏం జ‌ర‌గ‌నుంది.?

IPL 2026: ఐపీఎల్ 2026లో అత్యధిక పరుగులు చేసిన ఆటగాడికి ఇచ్చే ఆరెంజ్ క్యాప్ రేసు ఉత్కంఠభరితంగా మారింది. ప్రస్తుతం ఢిల్లీ జట్టుకు చెందిన కేఎల్ రాహుల్ 9 మ్యాచ్‌లలో 433 పరుగులతో టాప్‌లో ఉన్నాడు. అయితే ఈరోజు జ‌రిగే మ్యాచ్‌లో ఇది మారే అవ‌కాశాలు ఉన్న‌ట్లు క‌నిపిస్తోంది.

ప్ర‌స్తుతం అభిషేక్ శ‌ర్మ 425 పరుగులతో చాలా దగ్గరగా ఉన్నాడు. కేవలం కొన్ని పరుగుల తేడా మాత్రమే ఉండటంతో, తదుపరి మ్యాచ్‌లోనే టాప్ స్థానంలో మార్పు ఖాయం అనిపిస్తోంది. మరోవైపు హేన్రిచ్ క్లాసెన్ కూడా

డా 414 పరుగులతో పోటీలో కొనసాగుతున్నాడు.

హైదరాబాద్ మ్యాచ్‌పై ఫోకస్

ఈరోజు (ఆదివారం) హైద‌రాబాద్‌, కోల్‌క‌తా మధ్య జరగనున్న మ్యాచ్ ఇప్పుడు అందరి దృష్టిని ఆకర్షిస్తోంది. ముఖ్యంగా అభిషేక్ శర్మ, క్లాసెన్ ఇద్దరూ మంచి ఫామ్‌లో ఉండటంతో ఈ మ్యాచ్‌లోనే ఆరెంజ్ క్యాప్ విన్న‌ర్ మారే అవకాశాలు ఎక్కువగా కనిపిస్తున్నాయి. చిన్న ఇన్నింగ్స్ చాలు రాహుల్‌ను దాటేయడం వీళ్లకు పెద్ద కష్టం కాదు.

పర్పుల్ క్యాప్ కోసం సమాన పోటీ

బౌలింగ్ విభాగంలో కూడా పోటీ తక్కువేమీ లేదు. ప్రస్తుతం భువ‌నేశ్వ‌ర్ కుమార్‌ 17 వికెట్లతో ముందంజలో ఉన్నాడు. అదే సంఖ్యలో వికెట్లు తీసిన అన్షుల్ కాంబోజ్ అతడికి గట్టి సవాల్ విసురుతున్నాడు. అయితే ఎకానమీ రేట్, యావరేజ్ మెరుగ్గా ఉండటంతో భువనేశ్వర్ ప్రస్తుతం టాప్‌లో కొనసాగుతున్నాడు. కానీ ఒక్క మ్యాచ్‌లోనే ఈ పరిస్థితి పూర్తిగా మారిపోవచ్చు.

యువ ఆటగాళ్ల ప్రభావం స్పష్టంగా

ఈ సీజన్‌లో ప్రత్యేకంగా కనిపిస్తున్న అంశం—యువ ఆటగాళ్ల ప్రదర్శన. బ్యాటింగ్‌లో అభిషేక్ శర్మ, బౌలింగ్‌లో అన్షుల్ కాంబోజ్ వంటి యువకులు సీనియర్లకు గట్టి పోటీ ఇస్తున్నారు. రానున్న మ్యాచ్‌లలో ఎవరు ఒత్తిడిని తట్టుకుని మెరుగ్గా ఆడతారో, వారే ఈ ప్రతిష్టాత్మక క్యాప్‌లను దక్కించుకునే అవకాశం ఉంది.