IPL 2026: గోవాలో ఐపీఎల్ మెగా ఆక్షన్.. డేట్ ఎప్పుడంటే.?

IPL 2026: అంతర్జాతీయ క్రికెట్ రంగంలో ఐపీఎల్ టోర్నమెంట్‌కు ఉన్న ప్రాధాన్యత గురించి ప్రత్యేకంగా చెప్పనవసరం లేదు. ప్రతి ఏడాది జరిగే ఈ లీగ్ కోసం ఫ్రాంచైజీలు అలాగే ఆటగాళ్లు ఎంతో ఆసక్తిగా ఎదురుచూస్తుంటారు. ఈ నేపథ్యంలో వచ్చే సీజన్‌కు సంబంధించిన ఆటగాళ్ల వేలానికి ముహూర్తం ఖరారైందంటూ వార్తలు వస్తున్నాయి.

IPL 2027 కోసం ఆటగాళ్ల వేలం డిసెంబర్ 16వ తేదీన గోవాలోని ఐటీసీ గ్రాండ్‌లో జరుగుతుందని ఫ్రాంచైజీలకు బీసీసీఐ వాట్సాప్ మెసేజ్ పంపింది. ఈ విషయాన్ని పలు టీమ్స్ ధృవీకరించినట్లు క్రిక్‌బజ్ వెల్లడించింది. అలాగే డిసెంబర్ 15వ తేదీన ఆక్షన్ పై బ్రీఫింగ్ ఉంటుందని బోర్డు తెలిపింది. ట్రావెల్ బుకింగ్స్‌లో ఎలాంటి ఇబ్బందులు లేకుండా ముందస్తుగా ఈ సమాచారం పంపినట్లు పేర్కొన్నారు.

అయితే అదే రోజు అనగా డిసెంబర్ 16న బెంగళూరులో భారత్ అలాగే శ్రీలంక మధ్య వన్డే మ్యాచ్ ఉండటం గమనార్హం. ఒకవైపు జాతీయ జట్టు మ్యాచ్ జరుగుతుండగానే మరోవైపు మెగా ఆక్షన్ నిర్వహించడం పట్ల క్రికెట్ సర్కిల్స్‌లో రకరకాల చర్చలు జరుగుతున్నాయి. షెడ్యూల్స్ క్లాష్ కావడం వల్ల మేనేజ్‌మెంట్‌లు ఎలా సర్దుబాటు చేసుకుంటాయనే ఆసక్తి నెలకొంది.

ఫ్రాంచైజీలు తమకు కావలసిన ఆటగాళ్లను దక్కించుకోవడానికి ఇప్పటి నుంచే ప్రణాళికలు రచిస్తున్నాయి. ఏయే ఆటగాళ్లను రిటైన్ చేసుకుంటారు అలాగే ఎవరిని రిలీజ్ చేస్తారనే అంశాలపై త్వరలోనే పూర్తి స్పష్టత రానుంది. రాబోయే వేలంలో ఏ ఆటగాడికి భారీ ధర దక్కుతుందనే ఉత్కంఠ అభిమానులలో నెలకొంది.