Video: వామ్మో.. డెడ్లీ బౌన్సర్‌తో ఆర్చర్ టార్చర్.. బాబర్ అజాం కెరీర్ ఫసక్..!

Pakistan vs England: పాకిస్థాన్ స్టార్ బ్యాటర్ బాబర్ అజామ్‌కు ఇంగ్లండ్‌తో రెండో టెస్టు ఏమాత్రం కలిసిరాలేదు. గాయం నుంచి కోలుకుని జట్టులోకి తిరిగొచ్చిన అతడు.. రెండు ఇన్నింగ్స్‌ల్లోనూ విఫలమయ్యాడు. రెండో ఇన్నింగ్స్‌లో జోఫ్రా ఆర్చర్ వేసిన పదునైన బౌన్సర్‌కు బాబర్ 6 పరుగులకే పెవిలియన్ చేరాడు.

ఆర్చర్ బౌన్సర్‌కు బాబర్ బలి..

లార్డ్స్ వేదికగా జరుగుతున్న రెండో టెస్టులో పాకిస్థాన్ ముందు ఇంగ్లండ్ 389 పరుగుల భారీ లక్ష్యాన్ని ఉంచింది. ఛేదనలో పాకిస్థాన్ ఆరంభంలోనే తడబడింది. అజాన్ అవైస్, అబ్దుల్లా షఫీక్ త్వరగా ఔటవడంతో 7 పరుగులకే రెండు వికెట్లు కోల్పోయింది. ఈ దశలో నాలుగో స్థానంలో బ్యాటింగ్‌కు వచ్చిన బాబర్ అజామ్‌పై భారీ అంచనాలు నెలకొన్నాయి.