Krunal Pandya : క్రునాల్ కాలర్ ఎందుకు పట్టుకున్నాడు.? పూరన్ క్లారిటీ వైరల్.!

Krunal Pandya : ఐపీఎల్ 2026 సీజన్‌లో లక్నో సూపర్ జెయింట్స్ (LSG), రాయల్ ఛాలెంజర్స్ బెంగళూరు (RCB) జట్ల మధ్య జరిగిన పోరు కేవలం క్రికెట్ పరంగానే కాకుండా, మైదానం వెలుపల జరిగిన ఒక ఘటనతో హాట్ టాపిక్‌గా మారింది. లక్నోలోని ఏకానా స్టేడియంలో జరిగిన ఈ మ్యాచ్‌లో మాజీ టీమ్ మేట్స్ క్రునాల్ పాండ్యా, నికోలస్ పూరన్ మధ్య గొడవ జరిగిందనే వార్తలు సోషల్ మీడియాలో విపరీతంగా వైరల్ అయ్యాయి. అయితే ఈ వివాదంపై క్రునాల్ పాండ్యా స్పందించి అసలు ఏం జరిగిందో క్లియర్ చేశారు.

మైదానంలో అసలేం జరిగింది?

ఈ హై-వోల్టేజ్ మ్యాచ్ సందర్భంగా క్రునాల్ పాండ్యా బౌలింగ్ చేస్తున్నప్పుడు నికోలస్ పూరన్‌కు రెండు పదునైన బౌన్సర్లను సంధించాడు. ఆ తర్వాత సింగిల్ తీసిన పూరన్, నాన్-స్ట్రైకర్ ఎండ్‌లో ఉన్న క్రునాల్‌తో ఏదో తీవ్రంగా చర్చిస్తున్నట్లు కనిపించింది. ఇది మ్యాచ్‌లోని ఒక సాధారణ హీటెడ్ మూమెంట్‌గా అందరూ భావించారు. కానీ మ్యాచ్ ముగిసిన తర్వాత వచ్చిన ఒక వీడియో అందరినీ షాక్‌కు గురిచేసింది. ఆ వీడియోలో పూరన్ చాలా ఆగ్రహంగా క్రునాల్ కాలర్ పట్టుకుని, పక్కకు నెట్టివేయడం కనిపించింది. దీంతో వీరిద్దరి మధ్య తీవ్రస్థాయిలో గొడవ జరిగిందని ఫ్యాన్స్ సోషల్ మీడియాలో రచ్చ చేశారు.

పుకార్లకు చెక్ పెట్టిన క్రునాల్ పాండ్యా

ఈ వివాదంపై వస్తున్న వార్తలు మరీ శృతి మించడంతో క్రునాల్ పాండ్యా స్వయంగా ఇన్‌స్టాగ్రామ్ వేదికగా ఒక ఫోటోను షేర్ చేస్తూ క్లారిటీ ఇచ్చారు. "మా మధ్య ఎలాంటి గొడవ (లఫ్డా) లేదు, కేవలం ప్రేమ మాత్రమే ఉంది. నా బ్రదర్ నికోలస్ పూరన్ 100 ఐపీఎల్ మ్యాచ్‌లు పూర్తి చేసుకున్నందుకు గర్వంగా ఉంది. మరిన్ని మైలురాళ్లు అందుకోవాలి. అన్నట్టు, ఆ బౌన్సర్ ఎలా ఉంది?" అని క్రునాల్ సరదాగా రాసుకొచ్చారు.

దీనికి స్పందనగా పూరన్ కూడా కామెంట్ చేస్తూ, క్రునాల్ తన బెస్ట్ ఫ్రెండ్స్‌లో ఒకడని, తమ మధ్య కేవలం స్నేహం మాత్రమే ఉందని స్పష్టం చేయడంతో వివాదానికి తెరపడింది. వీరిద్దరూ ఐపీఎల్ 2023, 2024 సీజన్లలో లక్నో సూపర్ జెయింట్స్ తరఫున కలిసి ఆడటంతో ఉన్న చనువు వల్లే అలా సరదాగా ప్రవర్తించినట్లు అర్థమవుతోంది.

మ్యాచ్ హైలైట్స్

ఈ పోరులో లక్నో సూపర్ జెయింట్స్ జట్టు అద్భుత ప్రదర్శన చేసింది. మిచెల్ మార్ష్ మెరుపు సెంచరీతో చెలరేగడంతో లక్నో భారీ స్కోరు సాధించింది. అనంతరం లక్ష్య ఛేదనలో వర్షం కారణంగా డీఎల్ఎస్ (DLS) పద్ధతిని అనుసరించగా, లక్నో తొమ్మిది పరుగుల తేడాతో ఆర్సీబీపై విజయం సాధించింది. ఆర్సీబీ ఇన్నింగ్స్‌లో స్టార్ బ్యాటర్ విరాట్ కోహ్లీని ప్రిన్స్ యాదవ్ డకౌట్ చేయడం మ్యాచ్‌కే హైలైట్‌గా నిలిచింది.