Team India: రోకో అభిమానులకు గుడ్ న్యూస్.. 2027 వన్డే ప్రపంచకప్‌పై కీలక అప్‌డేట్.!

Team India: రోహిత్ శర్మ, విరాట్ కోహ్లీ 2027 వన్డే ప్రపంచకప్ ఆడబోతున్నారని క్రీడావర్గాలు వెల్లడించడంతో అభిమానుల్లో ఆనందం నెలకొంది.

Ravi
By Ravi
Published on: 20 Nov 2026 8:35 AM IST
Team India
X

Team India: రోకో అభిమానులకు గుడ్ న్యూస్.. 2027 వన్డే ప్రపంచకప్‌పై కీలక అప్‌డేట్.!

Team India: టీమిండియా స్టార్ ఆటగాళ్లు రోహిత్ శర్మ, విరాట్ కోహ్లీ అభిమానులకు క్రీడావర్గాల నుంచి ఒక అదిరిపోయే శుభవార్త అందింది. ఈ ఇద్దరు దిగ్గజ క్రికెటర్లు రాబోయే 2027 వన్డే ప్రపంచకప్‌లో ఆడబోతున్నారని క్రీడావర్గాలు వెల్లడించాయి. సోషల్ మీడియాలో 'రోకో'గా పిలుచుకునే ఈ జోడీ మళ్లీ మెగా టోర్నీలో బరిలోకి దిగనుండటంతో అభిమానుల్లో కొత్త ఉత్సాహం నెలకొంది.

ఇటీవల న్యూజిలాండ్‌తో జరిగిన సిరీస్‌లో రోహిత్, కోహ్లీ విఫలమైనప్పటికీ, ఇండియన్ క్రికెట్ పెద్దలకు వారి సామర్థ్యంపై పూర్తి భరోసా ఉందని సమాచారం. కేవలం ఒక సిరీస్ వైఫల్యంతో వారి స్థానానికి ఎలాంటి ఇబ్బంది లేదని, జట్టులో వారి ప్రాధాన్యత ఏమాత్రం తగ్గలేదని క్రీడావర్గాలు స్పష్టం చేశాయి. సీనియర్ ఆటగాళ్లపై మేనేజ్‌మెంట్, బోర్డు పూర్తి నమ్మకంతో ఉన్నట్లు తెలుస్తోంది.

ఈ విషయంపై ఒక అధికారి మాట్లాడుతూ ఆసక్తికర వ్యాఖ్యలు చేసినట్లు తెలుస్తోంది. రోహిత్, కోహ్లీలు క్రికెట్‌లో లెజెండ్స్ అని, వారు లేకుండా సౌతాఫ్రికాలో మనం గెలవడం చాలా కష్టమని సదరు అధికారి అభిప్రాయపడ్డారు. అక్కడి కఠినమైన పిచ్‌లపై ఆడటానికి వారిద్దరి అపారమైన అనుభవం జట్టుకు ఎంతో అవసరమని పేర్కొన్నారు.

వచ్చే వన్డే ప్రపంచకప్ దక్షిణాఫ్రికా వేదికగా జరగనున్న నేపథ్యంలో, అక్కడి పేస్, బౌన్సీ పిచ్‌లను సమర్థవంతంగా ఎదుర్కోవాలంటే అనుభవజ్ఞులైన బ్యాటర్లు జట్టులో ఉండటం కీలకం. ఎలాంటి ఫిట్‌నెస్ ఇష్యూలు లేకపోతే రోహిత్, కోహ్లీలు కచ్చితంగా 2027 ప్రపంచకప్ ఆడతారని ఆ అధికారి స్పష్టం చేసినట్లు సమాచారం.

ఈ పరిణామంతో భారత క్రికెట్ అభిమానులు సంబరాలు చేసుకుంటున్నారు. మైదానంలో మరోసారి రోహిత్ శర్మ, విరాట్ కోహ్లీల భాగస్వామ్యాన్ని చూసే అవకాశం దక్కనుండటంపై సర్వత్రా ఆనందం వ్యక్తమవుతోంది. దేశానికి మరో ప్రపంచకప్ అందించే లక్ష్యంతో ఈ సీనియర్ ద్వయం ముందుకు సాగనుంది.

Ravi

Ravi

2017లో వెబ్ జర్నలిస్ట్‌గా నా కెరీర్ ప్రారంభించాను. పలు వెబ్‌సైట్స్‌లో కంటెంట్ రైటర్‌గా పని చేశాను. డిజిటల్ మీడియాలో 7 ఏళ్ళకుపైగా అనుభవం ఉంది. ట్రెండింగ్, బిజినెస్, ఆంధ్రప్రదేశ్ & తెలంగాణకు సంబంధించి బ్రేకింగ్ కంటెంట్ రాస్తుంటాను.