SRH vs CSK: స‌న్ రైజ‌ర్స్ మాస్ట‌ర్ స్ట్రోక్‌.. సీఎస్‌కే తో మ్యాచ్‌కి ముందు టీమ్‌లోకి స్టార్ బౌల‌ర్

SRH vs CSK: ఐపీఎల్ 2026లో భాగంగా ఈ రోజు (ఏప్రిల్ 18) డబుల్ హెడ్డర్ మ్యాచ్‌లు జరగనున్నాయి. ఇందులో సాయంత్రం 7:30 గంటలకు సన్‌రైజర్స్ హైదరాబాద్, చెన్నై సూపర్ కింగ్స్ మధ్య మ్యాచ్ ఒక‌టి. కాగా ఈ మ్యాచ్‌కు ముందు హైదరాబాద్ టీమ్ కీలక నిర్ణయం తీసుకుంది.

జట్టులోకి గెరాల్డ్ కోఎట్జీ ఎంట్రీ

చెన్నైతో మ్యాచ్‌కు ముందు సన్‌రైజర్స్ హైదరాబాద్ పెద్ద మార్పు చేసింది. దక్షిణాఫ్రికా స్టార్ ఫాస్ట్ బౌలర్ గెరాల్డ్ కోఎట్జీను జట్టులోకి తీసుకుంది. గాయపడిన డేవిడ్ పైన్ స్థానంలో ఆయనను ఎంపిక చేశారు. డేవిడ్ పైన్ ఈ సీజన్‌లో 2 మ్యాచ్‌లు ఆడి 2 వికెట్లు తీశాడు. అయితే కాలి మడమ గాయం కారణంగా ఆయన మొత్తం సీజన్‌కు దూరమయ్యాడు. దీంతో హైదరాబాద్ టీమ్ వెంటనే కోఎట్జీని రీప్లేస్‌మెంట్‌గా తీసుకుంది.

రూ.2 కోట్లకు ఒప్పందం.. అంతర్జాతీయ రికార్డు

గెరాల్డ్ కోఎట్జీ రూ.2 కోట్లకు హైదరాబాద్ టీమ్‌లో చేరాడు. ఆయన ఈ సీజన్ మొత్తం జట్టుతో ఉంటాడు. అంతర్జాతీయ స్థాయిలో కోఎట్జీ మంచి ప్రదర్శన చేశాడు. గెరాల్డ్ ఇప్ప‌టి వ‌ర‌కు 4 టెస్టుల్లో 14 వికెట్లు, 14 వన్డేల్లో 31 వికెట్లు, 18 టీ20ల్లో 22 వికెట్లు తీశాడు. మూడు ఫార్మాట్లలోనూ అతను ప్రభావం చూపిన బౌలర్‌గా గుర్తింపు పొందాడు.

ఐపీఎల్ అనుభవం.. హైదరాబాద్‌కు అవసరమైన బలం

కోఎట్జీకి ఐపీఎల్ అనుభవం కూడా ఉంది. గతంలో ముంబై ఇండియన్స్, గుజరాత్ టైటాన్స్ జట్లకు ఆడాడు. ఇప్పటివరకు 14 మ్యాచ్‌లు ఆడి 15 వికెట్లు తీసుకున్నాడు. అతని బెస్ట్ బౌలింగ్ 4/34. ఇక ఈ సీజన్‌లో హైదరాబాద్ ప్రదర్శన పెద్దగా ఆశించినంతగా లేదు. 5 మ్యాచ్‌లలో 2 విజయాలు, 3 ఓటములతో పాయింట్స్ టేబుల్‌లో ఐదో స్థానంలో ఉంది. ఇప్పుడు చెన్నైపై మ్యాచ్‌లో కోఎట్జీ రాకతో టీమ్ బలంగా మారుతుందా అనేది ఆసక్తికరంగా మారింది.