Vaibhav Sooryavanshi : సెంచరీ మిస్సవడంతో మైదానంలోనే బూతులు తిట్టుకున్న వైభవ్ సూర్యవంశీ?

Vaibhav Sooryavanshi : ఐపీఎల్ 2026 సీజన్ మోస్ట్ క్రేజీ ఎలిమినేటర్ పోరులో సన్‌రైజర్స్ హైదరాబాద్ (SRH) జట్టును రాజస్థాన్ రాయల్స్ (RR) వణకించిన సంగతి తెలిసిందే. కేవలం 47 పరుగుల తేడాతో హైదరాబాద్‌ను చిత్తు చేసి ఆర్‌ఆర్‌ క్వాలిఫైయర్-2లో అడుగుపెట్టింది. అయితే ఈ మ్యాచ్‌లో రాజస్థాన్ రాయల్స్ గెలుపుకు అల్టిమేట్ హీరోగా నిలిచిన 15 ఏళ్ల యువ సంచలనం, వండర్ కిడ్ వైభవ్ సూర్యవంశీకి సంబంధించిన ఒక వీడియో ఇప్పుడు ఇంటర్నెట్‌ను షేక్ చేస్తోంది. మ్యాచ్‌లో హైదరాబాద్ బౌలర్లను చెడుగుడు ఆడుకుంటూ కేవలం 29 బంతుల్లోనే 12 సిక్సర్లు, 5 ఫోర్లతో ఏకంగా 97 పరుగులు చేసిన వైభవ్.. సెంచరీకి కేవలం 3 పరుగుల దూరంలో అవుట్ అయ్యాడు. 334.48 మైండ్ బ్లోయింగ్ స్ట్రైక్ రేట్‌తో ఆడిన ఈ కుర్రాడు.. అవుట్ అయిన తర్వాత తీవ్ర నిరాశతో పెవిలియన్‌కు వెళ్తూ కెమెరాలకు చిక్కాడు. ఆ సమయంలో అతడు కోపంతో బూతులు తిట్టుకున్నాడనే వార్త ఇప్పుడు సోషల్ మీడియాలో హాట్ టాపిక్‌గా మారింది.

వైభవ్ సూర్యవంశీ అవుట్ అయిన వెంటనే తీవ్రమైన కోపంతో, తల ఊపుకుంటూ తనలో తాను మాట్లాడుకుంటూ డ్రెస్సింగ్ రూమ్‌ వైపు వెళ్లాడు. ఈ వైరల్ వీడియోపై ఇప్పుడు నెటిజన్ల మధ్య పెద్ద యుద్ధమే నడుస్తోంది. కొందరు సోషల్ మీడియా యూజర్లు ఆ వీడియో లిప్ సింక్ బట్టి.. వైభవ్ తీవ్ర నిరాశతో తనను తాను తిట్టుకుంటూ బూతులు వాడాడని గట్టిగా వాదిస్తున్నారు. మరికొందరు అభిమానులు మాత్రం.. ఆ వీడియోకు ఎలాంటి ఆడియో లేదని, అంతర్జాతీయ స్థాయి మ్యాచ్ ప్రెజర్‌లో సెంచరీ మిస్ అయిన ఏ బ్యాటర్ అయినా అలానే ఫీల్ అవుతాడని సపోర్ట్ చేస్తున్నారు. చిన్న వయసులోనే అంత పెద్ద నాకౌట్ మ్యాచ్ ఆడుతున్నప్పుడు ఆ మాత్రం ఆవేశం సహజమేనని, అతను ఎవరినీ ఉద్దేశించి అనలేదని, కేవలం తన దురదృష్టాన్ని తిట్టుకున్నాడని బ్యాటింగ్ సెన్సేషన్‌కు మద్దతుగా నిలుస్తున్నారు.

Every single person is on their feet as the 15-year-old walks off 🫡

Updates ▶️ https://t.co/OBIYYIuhbt #TATAIPL | #Eliminator | #TheFinalLeap | #SRHvRR pic.twitter.com/mpT3LAIEp0

— IndianPremierLeague (@IPL) May 27, 2026

ఈ వివాదం పక్కన పెడితే.. ఈ మ్యాచ్‌లో వైభవ్ సూర్యవంశీ సృష్టించిన రికార్డుల విధ్వంసం మాత్రం అంతా ఇంతా కాదు. కేవలం 16 బంతుల్లోనే హాఫ్ సెంచరీ పూర్తి చేసుకున్న వైభవ్.. ఐపీఎల్ చరిత్రలోనే ప్లేఆఫ్స్ స్టేజ్‌లో జాయింట్‌గా అత్యంత వేగవంతమైన అర్ధ సెంచరీ చేసిన ఆటగాడిగా చరిత్ర సృష్టించాడు. ఈ సీజన్ మొత్తంలో ఇప్పటివరకు ఎవరికీ సాధ్యంకాని విధంగా ఏకంగా 680 పరుగులు సాధించి ఆరెంజ్ క్యాప్ రేసులో ప్రస్తుతం అందరికంటే అగ్రస్థానంలో దూసుకుపోతున్నాడు. 15 ఏళ్ల ప్రాయంలోనే విదేశీ స్టార్ బౌలర్లను సైతం భయపెడుతూ హోల్ అండ్ సోల్‌గా టోర్నమెంట్‌ను శాసిస్తున్నాడు.

మే 29న జరగబోయే క్వాలిఫైయర్-2 మ్యాచ్‌లో గుజరాత్ టైటాన్స్ (GT) జట్టుతో రాజస్థాన్ రాయల్స్ తలపడనుంది. ఈ మ్యాచ్‌లో వైభవ్ సూర్యవంశీ ఒక అరుదైన హిస్టారికల్ రికార్డుపై కన్నేశాడు. అతను గనుక రాబోయే మ్యాచ్‌లో కేవలం 20 పరుగులు చేస్తే.. ఐపీఎల్ చరిత్రలోనే ఒకే సీజన్‌లో ఏకంగా 700 పరుగులు పూర్తి చేసిన మొట్టమొదటి అన్‌క్యాప్డ్ (ఇంకా అంతర్జాతీయ మ్యాచ్ ఆడనటువంటి) భారతీయ బ్యాటర్‌గా రికార్డులకెక్కుతాడు. ఈ రికార్డ్ సాధిస్తే మాత్రం టీమిండియా సెలెక్టర్లు కచ్చితంగా అతనికి నేషనల్ టీమ్‌లో చోటు ఇవ్వక తప్పదు. మరి గుజరాత్‌తో జరిగే సెమీఫైనల్ లాంటి మ్యాచ్‌లో వైభవ్ బ్యాట్ ఎలా గర్జిస్తుందో చూడాలి.