IPL: చిచ్చ‌ర పిడుగు మ‌రో అరుదైన రికార్డు.. ఆ విష‌యంలో నెంబ‌ర్ 1 ప్లేయ‌ర్‌గా

IPL: ఐపీఎల్ 2026లో యువ బ్యాట్స్‌మెన్‌లు అద్భుత ప్రదర్శనతో అభిమానులను ఆకట్టుకుంటున్నారు. ముఖ్యంగా వైభవ్ సూర్యవంశీ అనే 15 ఏళ్ల కుర్రాడు తన దూకుడు ఆటతో అందరి దృష్టిని తనవైపు తిప్పుకున్నాడు. అతను డెబ్యూ చేసిన తర్వాత అత్యధిక సిక్సర్లు కొట్టిన బ్యాట్స్‌మెన్‌ల జాబితాలో అగ్రస్థానంలో నిలిచాడు.

మొదటి మ్యాచ్ నుంచే సత్తా..

వైభవ్ సూర్యవంశీ 2025 ఏప్రిల్ 19న ఐపీఎల్‌లో అరంగేట్రం చేశాడు. రాజస్థాన్ రాయల్స్ తరఫున లక్నో సూపర్ జెయింట్స్‌పై తన మొదటి మ్యాచ్ ఆడాడు. తొలి బంతికే సిక్సర్ కొట్టి తన ఖాతాను ప్రారంభించాడు. ఆ మ్యాచ్‌లో 20 బంతుల్లో 34 పరుగులు చేసి మంచి ఆరంభం ఇచ్చాడు.

సిక్సర్లలో నెంబర్-1గా వైభవ్

డెబ్యూ చేసిన తర్వాత వైభవ్ సూర్యవంశీ సిక్సర్ల వర్షం కురిపిస్తున్నాడు. ఇప్పటివరకు 14 మ్యాచ్‌లలో 44 సిక్సర్లు కొట్టి అగ్రస్థానంలో ఉన్నాడు. జస్ప్రీత్ బుమ్రా, ట్రెంట్ బౌల్ట్, భువనేశ్వర్ కుమార్ వంటి ప్రముఖ బౌలర్లపై కూడా భారీ షాట్లు ఆడటం అతని ప్రత్యేకత.

టాప్-5 సిక్సర్లు కొట్టిన బ్యాట్స్‌మెన్ జాబితా

డెబ్యూ తర్వాత అత్యధిక సిక్సర్లు కొట్టిన ఆటగాళ్లలో టాప్-5 ఇలా ఉంది:

* వైభవ్ సూర్యవంశీ (రాజస్థాన్ రాయల్స్) – 44 సిక్సర్లు

* అభిషేక్ శర్మ (సన్‌రైజర్స్ హైదరాబాద్) – 35 సిక్సర్లు

* ప్రభ్‌సిమ్రన్ సింగ్ (పంజాబ్ కింగ్స్) – 34 సిక్సర్లు

* శ్రేయస్ అయ్యర్ (పంజాబ్ కింగ్స్) – 33 సిక్సర్లు

* సూర్యకుమార్ యాదవ్ (ముంబై ఇండియన్స్) – 29 సిక్సర్లు

వైభవ్ సూర్యవంశీ ఐపీఎల్ కెరీర్ విశేషాలు వైభవ్

2025లో తన తొలి సీజన్‌లోనే 7 మ్యాచ్‌లలో 252 పరుగులు చేశాడు. అందులో ఒక అద్భుత శతకం కూడా ఉంది. కేవలం 35 బంతుల్లో సెంచరీ సాధించి ఐపీఎల్‌లో వేగవంతమైన భారతీయ శతకంగా రికార్డు సృష్టించాడు. ఐపీఎల్ 2026లో కూడా అతని ఫామ్ కొనసాగుతోంది. ఇప్పటివరకు 7 మ్యాచ్‌లలో 254 పరుగులు చేశాడు. అతని స్ట్రైక్ రేట్ 220కి పైగా ఉండటం అతని దూకుడు ఆటకు నిదర్శనం. ఈ సీజన్‌లో ఇప్పటికే రెండు హాఫ్ సెంచ‌రీలు నమోదు చేశాడు.