vaibhav suryavanshi: సచిన్ రికార్డును బ్రేక్ చేయబోతున్న సూర్యవంశీ.. 15 ఏళ్ల వయసులోనే
vaibhav suryavanshi: ఐపీఎల్లో ఆకట్టుకుంటున్న యువ ఆటగాడు వైభవ్ సూర్యవంశీ ఇప్పుడు అంతర్జాతీయ క్రికెట్లోకి అడుగుపెట్టే దశకు చేరుకున్నాడు. కేవలం 15 ఏళ్ల వయసులోనే అతను భారత సీనియర్ జట్టుకు ఎంపికయ్యే అవకాశాలు కనిపిస్తున్నాయి. వివరాల్లోకి వెళితే..
vaibhav suryavanshi
vaibhav suryavanshi: జూలైలో జరగబోయే ఐర్లాండ్ టూర్ కోసం అతని పేరు పరిశీలనలో ఉందని సమాచారం. సెలెక్షన్ కమిటీ అతని ప్రదర్శనను దగ్గరగా గమనిస్తూ అవకాశం ఇవ్వాలనే ఆలోచనలో ఉన్నట్లు తెలుస్తోంది. వైభవ్ ఇటీవల అండర్-19 స్థాయిలోనే కాదు, ఐపీఎల్లో కూడా తన ప్రతిభను నిరూపిస్తున్నాడు. రాజస్థాన్ రాయల్ తరఫున ఆడుతూ అతను చూపిస్తున్న స్ట్రోక్ ప్లే ప్రేక్షకులను ఆకట్టుకుంటోంది. ఒత్తిడిలో కూడా ధైర్యంగా ఆడగలగడం అతని ప్రత్యేకత. ఇప్పటికే వయస్సుకు మించి అనుభవం ఉన్నట్టుగా కనిపిస్తూ, తన ఆటతీరుతో సెలెక్టర్ల దృష్టిని ఆకర్షించాడు. ఈ ఏడాది ఐర్లాండ్తో పాటు జింబాబ్వే సిరీస్లకు కూడా అతనికి అవకాశం రావచ్చని క్రీడా వర్గాల్లో చర్చ జరుగుతోంది.
సచిన్ రికార్డుకు సవాల్
ప్రస్తుతం భారత క్రికెట్లో అత్యంత చిన్న వయసులో అరంగేట్రం చేసిన ఆటగాళ్లలో సచిన్ టెండూల్కర్ పేరు ముందుంటుంది. అలాగే మహిళా విభాగంలో షఫాలీ వర్మ చిన్న వయసులోనే దేశం తరఫున ఆడింది. అయితే, ఈ ఇద్దరి కంటే కూడా తక్కువ వయసులో వైభవ్ టీమిండియాలోకి వస్తాడనే అంచనాలు పెరుగుతున్నాయి. అదే జరిగితే, అతను భారత క్రికెట్ చరిత్రలో కొత్త అధ్యాయం రాయబోతున్నాడు. చిన్న వయసులోనే పెద్ద కలలను నిజం చేసుకునే ఆటగాడిగా వైభవ్ పేరు నిలిచిపోవచ్చు.
Mokshith
2015లో జర్నలిజం స్కూల్ ద్వారా నా కెరీర్ను ప్రారంభించాను. అనంతరం 2016 నుంచి పలు మీడియా సంస్థల్లో పనిచేశాను. మొదట ప్రింట్ ఆ తర్వాత డిజిటల్లో కలిపి మొత్తం 10 ఏళ్ల అనుభవం ఉంది. నేను ఎక్కువగా లైఫ్స్టైల్, అంతర్జాతీయం, టెక్నాలజీ, బిజినెస్, ఆస్ట్రాలజీకి సంబంధించి వార్తలు రాస్తుంటాను.