Srikakulam: విద్యార్థుల సృజనాత్మకతకు అద్దం పట్టిన వార్షికోత్సవ వేడుకలు

Srikakulam: కంచిలి మండలం అర్జునాపురం ఎంపీపీ పాఠశాలలో వార్షికోత్సవ వేడుకలు ఘనంగా నిర్వహించారు. విద్యార్థుల ప్రతిభా ప్రదర్శనలు, సాంస్కృతిక కార్యక్రమాలు, తల్లిదండ్రుల భాగస్వామ్యంతో పాఠశాల ప్రాంగణం సందడిగా మారింది. విద్యా, సాంస్కృతిక రంగాల్లో విద్యార్థుల ప్రతిభను వెలికితీసే వేదికగా ఈ వేడుక నిలిచింది.

పాఠశాల ప్రధానోపాధ్యాయురాలు వై. పద్మ అధ్యక్షతన జరిగిన కార్యక్రమానికి ఎంఎటీఎస్ ఉపాధ్యాయ సంఘం రాష్ట్ర ప్రధాన కార్యదర్శి బుడ్డెపు కామేష్‌రెడ్డి ముఖ్య అతిథిగా హాజరై విద్యార్థుల ప్రతిభను అభినందించారు. విద్యతోపాటు క్రమశిక్షణ, విలువల పెంపు అవసరమని సూచించారు. గ్రామీణ పాఠశాలల్లో విద్యా ప్రమాణాల పెంపుకు ఉపాధ్యాయులు, తల్లిదండ్రులు, గ్రామ ప్రజల భాగస్వామ్యం కీలకమని అన్నారు.

కార్యక్రమంలో సర్పంచ్ ప్రతినిధి రంగాల శ్రీనివాస్, కె. చందు, కె. మహేష్, ఎస్‌ఎంసీ కమిటీ చైర్‌పర్సన్ జె. రేవతి, బుడ్డెపు బైరాగిరెడ్డి, నుకరాజుతో పాటు తల్లిదండ్రులు, యువత పెద్ద సంఖ్యలో పాల్గొన్నారు. విద్యార్థులు ప్రదర్శించిన సాంస్కృతిక కార్యక్రమాలు, ప్రతిభా ప్రదర్శనలు ప్రత్యేక ఆకర్షణగా నిలిచాయి. ఈ సందర్భంగా ప్రతిభ కనబరిచిన విద్యార్థులను అతిథులు అభినందించారు. పాఠశాల వార్షికోత్సవం విద్యా వికాసం, సమాజ భాగస్వామ్యం, విద్యార్థుల సృజనాత్మకతకు ప్రతీకగా నిలిచిందని పలువురు అభిప్రాయపడ్డారు.