Srikakulam: సీఈసీ జ్ఞానేశ్ కుమార్‌ను వెంటనే పదవి నుండి తొలగించాలి సిఐటియు!

Srikakulam: ఎన్నికల ప్రధాన అధికారి జ్ఞానేశ్వర్ కుమార్ ను పదవ నుండి వెంటనే తొలగించాలని సిఐటియు రాష్ట్ర కార్యదర్శి పి.తేజేశ్వరరావు, రైతు సంఘం నాయకులు టి.నందోడు డిమాండ్ చేశారు. రాష్ట్రవ్యాప్త పిలుపులో భాగంగా ఓటు చోరీకి పాల్పడుతున్న ఎన్నికల ప్రధాన కమిషనర్ జ్ఞానేశ్ కుమార్ ను పదవి నుండి వెంటనే తొలగించాలని, ఎస్ఐఆర్ ప్రక్రియను వెంటనే నిలిపివేయాలని కోరుతూ సిఐటియు, రైతు సంఘం ఆధ్వర్యంలో ఎచ్చెర్ల మండల కేంద్రంతో పాటు చిలకపాలెం గ్రామంలో నిరసన కార్యక్రమం నిర్వహించారు. జ్ఞానేశ్ కుమార్ ఫోటోలతో కూడిన పత్రాలను దగ్ధం చేశారు.

కోట్లాది మంది ఓటర్లను ఓటర్ల జాబితా నుండి తొలగించడంతో సహా, సీఈసీ జ్ఞానేష్ కుమార్ ప్రవర్తన, ఎన్నికలు కమిషన్‌పై ప్రజల విశ్వాసాన్ని తీవ్రంగా దెబ్బతీసిందని అన్నారు. జ్ఞానేష్ కుమార్ పదవిలో కొనసాగే హక్కును కోల్పోయారు కాబట్టి ఈసీఐ విశ్వసనీయతను పునరుద్ధరించడానికి ఆయన రాజీనామా చేయాలని డిమాండ్ చేశారు.

ఎస్ఐఆర్ ప్రక్రియను నిలిపివేసి, ఓటర్ల జాబితా నుండి అన్యాయంగా తొలగించిన వారందరి ఓటు హక్కులను పునరుద్ధరించాలని ఎన్నికల ప్రజాస్వామ్యాన్ని రక్షించంచాలని కోరారు. ఈ కార్యక్రమంలో సిఐటియు, రైతు సంఘం నాయకులు వై.గోపాలుడు, డి.బంగార్రాజు, పి.రామారావు, పుట్టగణపతి, పి.సత్యం, టి.సూరిబాబు, టి.అసిరవాడు,కె.బుడ్డోడు,ఆర్. వెంకన్న,బి. వాసు,పి.అసిరయ్య, పి.సరసమ్మ,బి.మహాలక్ష్మమ్మ,ఏ.మహాలక్ష్మి,పి.రాజులమ్మ, బి.రాములమ్మ, శ్రీనివాసరావు,ధర్మారావు,త్రినాధ్, కెవి.రమణ, డి.శ్రీను,రమణ,మోహన్ తదితరులు పాల్గొన్నారు.