Sompeta: సోంపేటలో ఘనంగా సర్దార్ గౌతు లచ్చన్న సతీమణి యశోదమ్మ జయంతి!

Sompeta: సోంపేట పట్టణంలో సర్దార్ గౌతు లచ్చన్న సతీమణి స్వర్గీయ యశోదమ్మ జయంతి వేడుకలను తెలుగుతమ్ముళ్ల ఆధ్వర్యంలో ఘనంగా నిర్వహించారు. ఈ సందర్భంగా పుష్పాంజలి ఘటించి నివాళులు అర్పించారు. యశోదమ్మ గారు ప్రజాసేవలో, సామాజిక కార్యక్రమాల్లో చూపిన చొరవను ఈ సందర్భంగా నాయకులు గుర్తు చేసుకున్నారు. వారి సేవలు ఎల్లప్పుడూ ఆదర్శప్రాయమని కొనియాడారు.

అనంతరం అందరూ రెండు నిమిషాల పాటు మౌనం పాటించి వారి ఆత్మకు శాంతి చేకూరాలని ప్రార్థించారు. ఈ కార్యక్రమంలో కోదండరామస్వామి ఆలయ అభివృద్ధి కమిటీ చైర్మన్ బీన ఆనందరావు, పట్టణ అధ్యక్షుడు చిత్రాడ శేఖర్, బీన ఈశ్వర్, చిత్రాడ శ్రీను, పొందూరు రాజు, దున్న జోగారావు, మడ్డు రాజారావు, కాంచన రాఘవదాస్, దున్న ప్రకాష్, ఆదినారాయణ, మోహనరావు తదితరులు పాల్గొన్నారు.