Parvathipuram Manyam: 15 మండలాలకు డేంజర్ హీట్ అలర్ట్

Parvathipuram Manyam: రియల్ టైమ్ గవర్నెన్స్ తాజా నివేదిక ప్రకారం, మన్యం జిల్లాలో రాబోయే ఐదు రోజుల వాతావరణ సూచనలు విడుదలయ్యాయి. జిల్లాలో వర్ష సూచన ఏమీ లేనప్పటికీ, ఎండల తీవ్రత (హీట్ ఇండెక్స్ ) ప్రమాదకర స్థాయికి చేరుకునే అవకాశం ఉందని జిల్లా కలెక్టర్ డా ఎన్ ప్రభాకర రెడ్ది హెచ్చరించారు.

​ప్రస్తుత వాతావరణ అంచనాల ప్రకారం, జిల్లాలోని 15 మండలాల్లో ఉష్ణోగ్రతల ప్రభావం చాలా తీవ్రంగా ఉండనుంది. హీట్ ఇండెక్స్ 41°C నుండి 54°C వరకు నమోదయ్యే అవకాశం ఉంది, దీనిని వాతావరణ శాఖ 'డేంజర్ కేటగిరీ' (ప్రమాదకర స్థాయి) గా గుర్తించిందన్నారు..

ఎండల ప్రభావం అధికంగా ఉండే 15 మండలాలు

​కురుపాం, ​గుమ్మలక్ష్మీపురం, ​సీతానగరం, ​సాలూరు, ​పాచిపెంట, ​మక్కువ, ​సీతంపేట, ​భామిని, ​కొమరాడ, ​వీరఘట్టం,​బలిజిపేట, ​జియ్యమ్మవలస, ​పార్వతీపురం, ​గరుగుబిల్లి, ​పాలకొండ. ఉష్ణోగ్రతలు మరియు హీట్ ఇండెక్స్ పెరుగుతున్న దృష్ట్యా ప్రజలు అప్రమత్తంగా ఉండాలని, మధ్యాహ్నం వేళల్లో బయటకు వచ్చేటప్పుడు తగిన జాగ్రత్తలు తీసుకోవాలని జిల్లా కలెక్టర్ డా ఎన్ ప్రభాకర రెడ్ది సూచించారు.