Kanchili: అర్జునాపురంలో లైన్ షోయింగ్ పద్ధతిలో వరి నాట్లు!
Kanchili: కంచిలి మండలం అర్జునాపురంలో లైన్ షోయింగ్ పద్ధతిలో వరి నాట్లు. సేంద్రియ వ్యవసాయ పద్ధతులపై రైతులకు అవగాహన కల్పించిన అధికారులు.
Kanchili: అర్జునాపురంలో లైన్ షోయింగ్ పద్ధతిలో వరి నాట్లు!
Kanchili: కంచిలి మండలంలోని అర్జునాపురం గ్రామంలో లైన్ షోయింగ్ పద్ధతిలో వరి నాట్లు చేపట్టారు. గ్రామానికి చెందిన రైతు బుడ్డెపు కామేష్రెడ్డి పొలంలో వ్యవసాయ కార్మికులు వరి నాట్లు వేస్తూ సాగు పనులను ముమ్మరం చేశారు.
పొలాన్ని కంచిలి మండల సేంద్రియ వ్యవసాయ సిబ్బంది సందర్శించి, వరి నాట్ల ప్రక్రియను పరిశీలించారు. ఈ సందర్భంగా కార్మికులకు లైన్ షోయింగ్ పద్ధతిలో నాట్లు వేయడం వల్ల కలిగే ప్రయోజనాలను వివరించారు. మొక్కల మధ్య సరైన దూరం పాటించడం, నాట్ల సమయంలో తీసుకోవాల్సిన జాగ్రత్తలు, పంటను తెగుళ్లు, కలుపు నుంచి సంరక్షించుకునే విధానాలపై అవగాహన కల్పించారు.
సేంద్రియ వ్యవసాయ పద్ధతులను పాటించడం ద్వారా నేల ఆరోగ్యాన్ని కాపాడుకోవడంతో పాటు, సాగు ఖర్చులను తగ్గించుకునే అవకాశం ఉంటుందని సిబ్బంది తెలిపారు. రైతులు సేంద్రియ వ్యవసాయ విధానాలను సద్వినియోగం చేసుకుని ఆరోగ్యకరమైన పంటలను సాగు చేయాలని సూచించారు.ఈ కార్యక్రమంలో రైతులు, వ్యవసాయ శాఖ సిబ్బంది తదితరులు పాల్గొన్నారు.