Kanchili: భైరిపురం జంక్షన్‌లో వైఎస్సార్‌సీపీ కార్యాలయం ప్రారంభం
Kanchili: కంచిలి మండలం భైరిపురం జంక్షన్‌లో వైఎస్సార్‌సీపీ కార్యాలయాన్ని ప్రారంభించారు. గాంధీ జయంతి వేడుకలు నిర్వహించి, ప్రజా సమస్యలపై పోరాడతామని తెలిపారు.
Kanchili: భైరిపురం జంక్షన్‌లో వైఎస్సార్‌సీపీ కార్యాలయం ప్రారంభం
కంచిలి: కంచిలి మండలం భైరిపురం జంక్షన్ లో వైఎస్సార్ కాంగ్రెస్ పార్టీ కార్యాలయాన్ని శుక్రవారం ఘనంగా పార్టీ శ్రేణుల ఆధ్వర్యంలో ప్రారంభించారు. ఈ కార్యక్రమంలో ఇచ్ఛాపురం నియోజకవర్గ సమన్వయకర్త సాడి శ్యాంప్రసాద్ రెడ్డి పాల్గొని రిబ్బన్ కట్ చేసి కార్యాలయాన్ని ప్రారంభించారు.
అనంతరం మహాత్మా గాంధీ జయంతి సందర్భంగా గాంధీ చిత్రపటానికి పూలమాలలు వేసి నివాళులు అర్పించారు. ఈ సందర్భంగా నియోజకవర్గంలోని ఎంపీపీలు, జడ్పీటీసీలు, మండల పార్టీ అధ్యక్షులు, ఎంపీటీసీ సభ్యులు, ముఖ్య నాయకులను దుశ్శాలువలతో సన్మానించారు.
పార్టీ బలోపేతానికి ప్రతి ఒక్కరూ కృషి చేయాలని సమన్వయకర్త శ్యాంప్రసాద్ రెడ్డి పిలుపునిచ్చారు. రానున్న రోజుల్లో ప్రజా సమస్యలపై పోరాటం చేస్తామని తెలిపారు.
ఈ కార్యక్రమంలో రాష్ట్ర పార్టీ బీసీ విభాగ కార్యదర్శి నరేంద్ర యాదవ్, మాజీ ఎంపీపీలు దేవదాసు రెడ్డి, నిమ్మన దాసు, బోర పుష్ప, వైకాపా కంచిలి మండల అధ్యక్షుడు వజ్జ మృత్యుంజయరావు, పార్టీ నేతలు ధర్మారావు, ఈశ్వరరావు తదితరులు పాల్గొన్నారు.
