Kaviti: కవిటి ప్రభుత్వ జూనియర్ కళాశాలకు పూర్వ విద్యార్థుల విరాళం!

కవిటి: తాము చదువుకున్న కవిటి ప్రభుత్వ జూనియర్ కళాశాలకు పూర్వ విద్యార్థులు బీరువా, కుర్చీలను మంగళవారం విరాళంగా అందజేశారు. 2004 - 2006 బ్యాచ్ కు చెందిన పూర్వ విద్యార్థులు మంగళవారం సుమారు రూ. 30 వేల విలువైన బీరువా, కుర్చీలను కళాశాల ప్రిన్సిపాల్ కే సింహాచలం నాయుడు, అధ్యాపకులకు అందజేశారు.

విద్య నేర్పిన కళాశాల రుణం తీర్చుకోవాలనే ఉద్దేశంతో సామాజిక బాధ్యతలో భాగంగా ఈ విరాళం అందజేసినట్లు పూర్వ విద్యార్థులు బార్ల సతీష్, పోలాకి మణిబాబు, సత్యానందరౌళో, పూడి సందీప్, బల్లెడ దిలీప్ కుమార్, బడే వెంకటేష్ తెలిపారు.

ఈ సందర్భంగా ప్రిన్సిపాల్ కే సింహాచలం నాయుడు మాట్లాడుతూ, 20 ఏళ్ల క్రితం చదువుకున్న విద్యార్థులు తాము చదువుకున్న కళాశాలను గుర్తుంచుకుని సహాయం అందించడం గర్వించదగ్గ విషయమన్నారు.

పూర్వ విద్యార్థులందరూ ఇలాగే సహకరిస్తే కళాశాలను మోడల్ కళాశాలగా తీర్చిదిద్దొచ్చని పేర్కొన్నారు. ఈ కార్యక్రమంలో అధ్యాపకులు యూ ఝాన్సీరాణి, జీ విష్ణుమూర్తి, పీ హరి, కే ఉగాది నాయుడు, డీ అనసూయ, బీ శ్రీనుబాబు, జే పాపారావు, కే కరుణశ్రీ, డీ రమేష్, బీ అంజన, డీ జనార్ధనరావు తదితరులు పాల్గొన్నారు.