Srikakulam: శ్రీకాకుళంలో ఎన్టీఆర్ భరోసా పింఛన్లు పంపిణీ చేసిన ఎమ్మెల్యే!

Srikakulam: ప్రజల సంక్షేమమే ధ్యేయంగా నిరంతరం శ్రమిస్తున్న శ్రీకాకుళం శాసనసభ్యులు గొండు శంకర్, గార మండలం, శ్రీకూర్మం పంచాయతీ పరిధిలోని కండ్రపేట గ్రామంలో ఎన్టీఆర్ భరోసా పింఛన్ల పంపిణీ కార్యక్రమంలో పాల్గొన్నారు. ఈ సందర్భంగా గ్రామంలోని అర్హులైన వృద్ధులు, వితంతువులు, దివ్యాంగులు తదితర లబ్ధిదారులకు తమ చేతుల మీదుగా పింఛన్లను అందజేశారు. పంపిణీ అనంతరం లబ్ధిదారుల వద్దకు నేరుగా వెళ్లి ఆప్యాయంగా పలకరించి వారి యోగక్షేమాలను, దైనందిన సమస్యలను ఆరా తీశారు.

ప్రభుత్వ సంక్షేమ పథకాలు క్షేత్రస్థాయిలో అర్హులైన ప్రతి ఒక్కరికీ ఎలాంటి ఇబ్బందులు లేకుండా సకాలంలో అందుతున్నాయా లేదా అనే అంశాన్ని స్వయంగా అడిగి తెలుసుకున్నారు. ప్రజలకు ఎప్పుడూ అందుబాటులో ఉంటూ, వారి సమస్యల పరిష్కారమే లక్ష్యంగా ముందుకు సాగడమే ప్రజాప్రతినిధి అసలైన బాధ్యత అని గొండు శంకర్ ఈ సందర్భంగా పునరుద్ఘాటించారు.

ఈ కార్యక్రమంలో గార మండల అధ్యక్షులు లోపింటి రాధాకృష్ణ, అంపోలు పీఏసీఎస్ చైర్మన్ గొండు వెంకటరమణ మూర్తి, స్థానిక నాయకులు సింహగిరి, కైబడి రాజు, మైగపు ప్రభాకర్, కంద్రపేట నాయకులు ప్రజాప్రతినిధులు, వివిధ శాఖల అధికారులు, పార్టీ నాయకులు, కార్యకర్తలు మరియు ప్రజలు పెద్ద ఎత్తున పాల్గొన్నారు.