Palakonda: పాలకొండలో పరిషత్ కౌంటింగ్‌కు ప్రత్యామ్నాయ మార్గాలు

పాలకొండ: పాలకొండ ప్రభుత్వ డిగ్రీ కళాశాలలో నిర్వహించనున్న MPTC / ZPTC ఎన్నికల ఓట్ల లెక్కింపు ప్రక్రియ సందర్భంగా శాంతిభద్రతల పరిరక్షణ, ట్రాఫిక్ నియంత్రణ మరియు ఓట్ల లెక్కింపు కేంద్రం వద్ద ఎలాంటి అవాంఛనీయ సంఘటనలు జరగకుండా పోలీస్ శాఖ ప్రత్యేక ట్రాఫిక్ ఆంక్షలు మరియు వాహనాల మళ్లింపు చర్యలు చేపడుతోంది.

ఈ నేపథ్యంలో ప్రజలకు, ఎన్నికల ఏజెంట్లకు మరియు విధుల్లో పాల్గొనే అధికారులకు సూచనలు:

1. కౌంటింగ్ ఏజెంట్లకు మార్గం:

- కౌంటింగ్ ఏజెంట్లు వడమ జంక్షన్ (Vadama Junction) వైపు నుంచి మాత్రమే కేటాయించిన మార్గంలో కౌంటింగ్ కేంద్రానికి చేరుకోవాలి. ద్విచక్ర వాహనాలు కోసం పార్కింగ్ స్థలం రవీంద్ర భారతి స్కూల్ ప్రక్క ఇవ్వడం జరిగింది , ఇతర వాహనాలు ఏవీ కూడా వైపు అనుమతించ బడదు.

- పోలీసు సిబ్బంది సూచనలను తప్పనిసరిగా పాటించాలి.

2. కౌంటింగ్ అధికారులకు మార్గం:

- కౌంటింగ్ విధుల్లో పాల్గొనే అధికారులు, సిబ్బంది ఎం.ఎం. నగర్ (MM Nagar) వైపు నుంచి తమ్మి నాయుడు కళాశాల జంక్షన్ (Tammi Naidu Junction) మీదుగా కేటాయించిన మార్గంలో ప్రభుత్వ డిగ్రీ కళాశాలకు చేరుకోవాలి.

- విధులకు సంబంధించిన గుర్తింపు కార్డులను తప్పనిసరిగా వెంట ఉంచుకోవాలి.

3. సాధారణ ప్రజలకు సూచనలు:

- కౌంటింగ్ కేంద్రం పరిసర ప్రాంతాల్లో అనుమతి లేని వాహనాల రాకపోకలను నియంత్రించడం జరుగుతుంది.

- కౌంటింగ్ కేంద్రం వద్ద గుంపులుగా గుమిగూడరాదు.

- అనవసరంగా కౌంటింగ్ కేంద్రం పరిసర ప్రాంతాలకు రావద్దు.

- ట్రాఫిక్ మళ్లింపులకు సహకరించి పోలీసుల సూచనలను పాటించాలి.

- శాంతిభద్రతలకు విఘాతం కలిగించే చర్యలకు పాల్పడరాదు.

ఎన్నికల ఓట్ల లెక్కింపు ప్రక్రియ ప్రశాంతంగా, పారదర్శకంగా మరియు సజావుగా జరిగేందుకు ప్రజలు, రాజకీయ పార్టీల నాయకులు, కౌంటింగ్ ఏజెంట్లు మరియు వాహనదారులు పోలీస్ శాఖకు సహకరించాలని కోరడమైనది.