Kaviti: కవిటి మండలం బెలగాం సర్పంచ్‌గా జీరు ధర్మారావు ఏకగ్రీవ ఎంపిక!
Kaviti: శ్రీకాకుళం జిల్లా కవిటి మండలం బెలగాం గ్రామ పంచాయతీ సర్పంచ్ అభ్యర్థిగా జీరు ధర్మారావును గ్రామస్తులు ఏకగ్రీవంగా ఎన్నుకోగా, ఆయన ఆదివారం నామినేషన్ దాఖలు చేశారు.
Kaviti: కవిటి మండలం బెలగాం సర్పంచ్‌గా జీరు ధర్మారావు ఏకగ్రీవ ఎంపిక!
కవిటి: కవిటి మండలంలో పంచాయతీ ఎన్నికల హడావుడి మొదలైంది. బెలగాం గ్రామం నుంచి నామినేషన్ దాఖలైంది. గ్రామ సర్పంచ్ అభ్యర్థిగా జీరు ధర్మారావు నామినేషన్ పత్రాలను అధికారులకు అందజేశారు. అంతకుముందు గ్రామంలో ఏర్పాటు చేసిన సమావేశంలో ఈ ఏకగ్రీవ నిర్ణయం తీసుకున్నారు. గ్రామ పెద్దలు, యువకులు, మహిళలు అందరూ ఒకే వేదికపైకి వచ్చి చర్చించారు.
గ్రామ అభివృద్ధికి పోటీలు వద్దు, అందరం కలిసి ఒకరిని ఎన్నుకుందాం అని ఏకాభిప్రాయానికి వచ్చారు. చివరకు ధర్మారావు పేరును అందరూ ప్రతిపాదించారు. ఈ సందర్భంగా గ్రామ పెద్దలు ఆయన నుదుట తిలకం దిద్ది, పూలమాలలతో సత్కరించి సర్పంచ్ అభ్యర్థిగా అధికారికంగా ప్రకటించారు. గ్రామస్తులంతా చప్పట్లతో, నినాదాలతో హర్షం వ్యక్తం చేశారు.
ఈ సందర్భంగా ధర్మారావు మాట్లాడుతూ.. తనపై నమ్మకం ఉంచి సర్పంచ్ అభ్యర్థిగా ఎన్నుకున్న గ్రామస్తులకు కృతజ్ఞతలు తెలిపారు. గ్రామంలోని ప్రతి ఒక్కరి సమస్యను తన సమస్యగా భావించి పరిష్కరిస్తానని హామీ ఇచ్చారు. తాగునీరు, రోడ్లు, వీధి దీపాలు, పారిశుద్ధ్యంతో పాటు యువతకు, మహిళలకు అండగా నిలుస్తానని చెప్పారు. బెలగాం గ్రామాన్ని ఐక్యతకు, అభివృద్ధికి ఆదర్శంగా నిలుపుతానని ఆయన ధీమా వ్యక్తం చేశారు. ఈ కార్యక్రమంలో పంచాయతీ పెద్దలు, గ్రామస్తులు, యువత పెద్ద సంఖ్యలో పాల్గొన్నారు.