Sompeta: కంచిలి సచివాలయం-1ను సందర్శించిన కాశీబుగ్గ డీఎస్పీ, సీఐ!

సోంపేట: కంచిలి మండల కేంద్రంలోని సచివాలయం-1 ను ఈ నెల 26న జరగనున్న పంచాయతీ ఎన్నికల నిర్వహణ ఏర్పాట్లలో భాగంగా ఆదివారం కాశీబుగ్గ డీఎస్పీ జీవీ రమణ, సీఐ మంగరాజు సందర్శించారు. ఈ సందర్భంగా సచివాలయం పరిధిలోని పోలింగ్ కేంద్రాల ఏర్పాట్లు, భద్రతా చర్యలు, సమస్యాత్మక ప్రాంతాలపై వారు సమీక్షించారు.

ఎన్నికలు ప్రశాంత వాతావరణంలో, ఎలాంటి అవాంఛనీయ ఘటనలు లేకుండా నిర్వహించేందుకు తీసుకోవాల్సిన చర్యలపై సచివాలయ సిబ్బందితో చర్చించారు. గ్రామంలో శాంతి భద్రతలు కాపాడటం, ఓటర్లకు ఎలాంటి ఇబ్బంది కలగకుండా చూడటం ప్రధాన లక్ష్యమని డీఎస్పీ తెలిపారు. ఎన్నికల సమయంలో నిబంధనలు ఉల్లంఘించిన వారిపై కఠిన చర్యలు తీసుకుంటామని హెచ్చరించారు.

ప్రజలు నిర్భయంగా ఓటు హక్కు వినియోగించుకోవాలని, ఎలాంటి ఒత్తిడి, ప్రలోభాలకు గురి కావద్దని అధికారులు సూచించారు. ఎన్నికల రోజున పోలింగ్ కేంద్రాల వద్ద పటిష్ట బందోబస్తు ఏర్పాటు చేస్తామని సీఐ మంగరాజు తెలిపారు. ఈ సందర్శనలో సచివాలయ సిబ్బంది, పోలీసు సిబ్బంది పాల్గొన్నారు.