iPhone 17 Proపై అదిరే ఆఫర్.. రూ.56,990కే సొంతం.!

ఆపిల్ సంస్థ సరికొత్త ఐఫోన్ 18 ప్రో సిరీస్‌ను భారత్‌లో రూ. 1,64,900 ప్రారంభ ధరతో ఆవిష్కరించిన నేపథ్యంలో, పాత మోడళ్లపై విక్రయదారులు సంచలన ఆఫర్లను ప్రకటిస్తున్నారు. ముఖ్యంగా ప్రముఖ ఎలక్ట్రానిక్స్ రిటైల్ సంస్థ 'రిలయన్స్ డిజిటల్' ఐఫోన్ 17 ప్రో , ఐఫోన్ 17 ప్రో మ్యాక్స్ ఫోన్లపై ముందెన్నడూ లేని విధంగా భారీ తగ్గింపును అందిస్తోంది. ఇన్‌స్టోర్ డిస్కౌంట్, ఎక్స్ఛేంజ్ ఆఫర్, బోనస్ , బ్యాంక్ క్యాష్‌బ్యాక్ వంటి అన్ని ప్రయోజనాలను ఉపయోగిస్తే ఈ ప్రీమియం ఫ్లాగ్‌షిప్ ఫోన్‌లు ఊహించని ధరకు సొంతమవుతున్నాయి.

ఐఫోన్ 17 ప్రోపై లభిస్తున్న ఆఫర్లు

ఐఫోన్ 17 ప్రో (256GB వేరియంట్) అసలు ధర రూ. 1,34,900గా ఉండగా, రిలయన్స్ డిజిటల్ నేరుగా రూ. 9,910 ఇన్‌స్టోర్ డిస్కౌంట్ ఇస్తోంది. దీంతో ఫోన్ ధర మొదటగా రూ. 1,24,990కి తగ్గుతుంది. దీనికి అదనంగా పాత ఫోన్ ఎక్స్ఛేంజ్‌పై లభించే రూ. 55,000 వరకు తగ్గింపు (ఐఫోన్ 15 ప్రో ఎక్స్ఛేంజ్ ఆధారంగా), అదనపు ఎక్స్ఛేంజ్ బోనస్ రూ. 10,000 , ఎంపిక చేసిన బ్యాంక్ కార్డులపై వచ్చే రూ. 3,000 క్యాష్‌బ్యాక్‌ను వర్తింపజేస్తే, ఈ ఫోన్ ఎఫెక్టివ్ ధర ఏకంగా రూ. 56,990కి పడిపోతుంది.

ఐఫోన్ 17 ప్రో మ్యాక్స్ ఆఫర్ వివరాలు

భారీ డిస్‌ప్లే, మెరుగైన బ్యాటరీ లైఫ్‌ను ఇష్టపడే ప్రయాణికులకు ఐఫోన్ 17 ప్రో మ్యాక్స్ (256GB వేరియంట్) పై కూడా ఇటువంటి డిస్కౌంట్లే అందుబాటులో ఉన్నాయి. ఎంఆర్‌పీ రూ. 1,49,900 ఉన్న ఈ మోడల్‌కు కూడా రూ. 9,910 ఇన్‌స్టోర్ డిస్కౌంట్ వర్తిస్తుంది. ఆ తర్వాత రూ. 55,000 ఎక్స్ఛేంజ్ వ్యాల్యూ, రూ. 10,000 ఎక్స్ఛేంజ్ బోనస్ , రూ. 3,000 బ్యాంక్ క్యాష్‌బ్యాక్ అన్నింటినీ కలుపుకుంటే, ఈ ప్రో మ్యాక్స్ ఫోన్ ఎఫెక్టివ్ ధర రూ. 71,990కే పరిమితమవుతుంది.

ఐఫోన్ 17 ప్రో సిరీస్ ఫీచర్లు , పెర్ఫార్మెన్స్

ధర భారీగా తగ్గినప్పటికీ ఈ ఫోన్ల పనితీరు, కెమెరా విషయంలో ఎలాంటి రాజీ లేదు. ఈ రెండు మోడళ్లు అత్యంత వేగవంతమైన ఆపిల్ A19 ప్రో 3nm ప్రాసెసర్‌తో పనిచేస్తాయి. ఇందులో 120Hz ప్రొమోషన్ రిఫ్రెష్ రేట్‌తో కూడిన సూపర్ రెటినా XDR OLED డిస్‌ప్లేను అందించారు. ఫొటోగ్రఫీ కోసం 48 మెగాపిక్సెల్ ట్రిపుల్ రియర్ కెమెరా సెటప్‌తో పాటు 18 మెగాపిక్సెల్ ఫ్రంట్ కెమెరాను పొందుపరిచారు. అంతేకాకుండా నీరు , దుమ్ము నుండి రక్షణ కోసం IP68 రేటింగ్ కూడా కలిగి ఉన్నాయి.

ఆఫర్ పొందే ముందు గమనించాల్సిన అంశాలు

ఇక్కడ లభిస్తున్న రూ. 56,990 లేదా రూ. 71,990 ఎఫెక్టివ్ ధరలు కేవలం పూర్తిస్థాయి ఎక్స్ఛేంజ్ , బ్యాంక్ ఆఫర్ల ఆధారంగా లెక్కించినవి మాత్రమే. మీరు ఎక్స్ఛేంజ్ చేసే పాత ఫోన్ మోడల్, దాని వర్కింగ్ కండిషన్ , స్క్రీన్ పరిస్థితిని బట్టి తుది తగ్గింపు ధర మారుతుంటుంది. అందువల్ల ఆర్డర్ ఇచ్చే ముందు లేదా స్టోర్‌ను సందర్శించేటప్పుడు వర్తించే నిబంధనలు , షరతులను వివరంగా పరిశీలించుకోవడం మంచిది.