iPhone 18 Pro Max leaks : ఒక్క ఛేంజ్‌తో ఐఫోన్ హిస్టరీ క్రియేట్ చేస్తుందా.?

iPhone 18 Pro Max leaks : ఆపిల్ సంస్థ ప్రతి ఏటా ప్రతిష్టాత్మకంగా నిర్వహించే ఐఫోన్ లాంచ్ ఈవెంట్‌కు కేవలం మూడు నెలల సమయం మాత్రమే మిగిలి ఉంది. ప్రస్తుతం మార్కెట్లో ఐఫోన్ 17 ప్రో మ్యాక్స్ అత్యంత ప్రీమియం స్మార్ట్‌ఫోన్‌గా కొనసాగుతున్నప్పటికీ, టెక్ ప్రపంచంలో అప్పుడే నెక్స్ట్ జనరేషన్ ‘ఐఫోన్ 18 ప్రో మ్యాక్స్’ (iPhone 18 Pro Max) గురించిన లీక్స్ నెట్టింట హల్‌చల్ చేస్తున్నాయి. రాబోయే ఐఫోన్ 18 ప్రో మ్యాక్స్‌లో డిజైన్ పరంగా భారీ మార్పులు చేయనప్పటికీ.. పర్ఫార్మెన్స్, కెమెరా, , బ్యాటరీ సామర్థ్యాన్ని నెక్స్ట్ లెవెల్‌కు తీసుకువెళ్లేందుకు ఆపిల్ కొన్ని కీలకమైన అప్‌డేట్స్ చేయబోతున్నట్లు లీక్స్ ద్వారా తెలుస్తోంది. త్వరలోనే జరగబోయే ఈ లాంచ్ ఈవెంట్‌కు ముందు లీకైన ఆ ఆసక్తికరమైన వివరాలు ఇప్పుడు చూద్దాం.

చిన్నగా మారనున్న డైనమిక్ ఐలాండ్.. సరికొత్త డిస్‌ప్లే టెక్నాలజీ

ఐఫోన్ 18 ప్రో మ్యాక్స్‌లో రాబోయే అతిపెద్ద మార్పు దీని డిస్‌ప్లే విభాగంలోనే కనిపించనుంది. ఆపిల్ తన ఫేస్ ఐడీ (Face ID) వ్యవస్థను పూర్తిగా స్క్రీన్ కింద దాచేసి, కేవలం చిన్న కెమెరా కటౌట్ మాత్రమే ఉంచుతుందని గతంలో వార్తలు వచ్చాయి. కానీ, తాజా లీక్స్ ప్రకారం ఆపిల్ ప్రస్తుతానికి ఫేస్ ఐడీకి సంబంధించిన ఒక విభాగాన్ని మాత్రమే స్క్రీన్ కిందకు మార్చబోతోంది. దీనివల్ల స్క్రీన్‌పై డైనమిక్ ఐలాండ్ (Dynamic Island) ఫీచర్ అలాగే ఉంటుంది, కానీ ప్రస్తుత ఐఫోన్ 17 ప్రో మ్యాక్స్‌తో పోలిస్తే దీని పరిమాణం చాలా చిన్నదిగా మారనుంది. స్క్రీన్ సైజు విషయానికి వస్తే ఎలాంటి మార్పులు ఉండకపోవచ్చు. ప్రో వేరియంట్‌లో 6.3-ఇంచులు, ప్రో మ్యాక్స్ వేరియంట్‌లో 6.9-ఇంచుల ప్యానెల్‌నే ఆపిల్ కొనసాగించనుంది. అయితే, పవర్ ఎఫిషియన్సీని పెంచి బ్యాటరీ లైఫ్‌ను మెరుగుపరచడానికి ఇందులో సరికొత్త ‘LTPO+’ డిస్‌ప్లే సాంकेతికతను వాడబోతున్నారు.

భారీ బ్యాటరీ.. ప్రపంచంలోనే మొదటి 2nm అత్యంత వేగవంతమైన చిప్

ఐఫోన్ 18 ప్రో మ్యాక్స్ అతిపెద్ద హైలైట్ దీని బ్యాటరీ లైఫ్ కానుంది. పెద్ద బ్యాటరీని అమర్చడం కోసం ఆపిల్ ఈ ఫోన్ మందాన్ని (Thickness) స్వల్పంగా పెంచబోతున్నట్లు సమాచారం. ఐఫోన్ 17 ప్రో మ్యాక్స్‌లోని 4,823mAh బ్యాటరీతో పోలిస్తే, ఈ కొత్త మోడల్లో ఏకంగా 5,100mAh భారీ బ్యాటరీని అందించనున్నారు. ఐఫోన్ చరిత్రలోనే ఇది అత్యంత పెద్ద బ్యాటరీ కానుంది. అయితే, దీనివల్ల ఫోన్ బరువు 240 గ్రాముల కంటే ఎక్కువ పెరిగి, ఆపిల్ విడుదల చేసిన ఐఫోన్లలోనే అత్యంత బరువైన ఫోన్‌గా ఇది మారే అవకాశం ఉంది.

ఇక పర్ఫార్మెన్స్ పరంగా ఆపిల్ సరికొత్త రికార్డు సృష్టించబోతోంది. ఐఫోన్ 18 ప్రో మ్యాక్స్ కారు అత్యంత అధునాతనమైన 'A20 ప్రో' చిప్‌సెట్‌తో రానుంది. ఇది TSMC కి చెందిన 2nm (నానోమీటర్) ప్రాసెస్ ఆధారంగా తయారవుతోంది. ప్రస్తుత ఐఫోన్ 17 సిరీస్ 3nm చిప్‌సెట్‌ను వాడుతుండగా, 2nm టెక్నాలజీకి మారడం వల్ల కారు ప్రాసెసింగ్ వేగం అద్భుతంగా పెరగడమే కాకుండా, హీటింగ్ సమస్యలు తగ్గి, పవర్ మేనేజ్‌మెంట్ మరింత సమర్థవంతంగా మారుతుంది. దీనితో పాటు ఆపిల్ సొంతంగా అభివృద్ధి చేసిన 'C2 మోడెమ్' ఇందులో పరిచయం కానుంది, ఇది మొబైల్ నెట్‌వర్క్, వైఫై లేనప్పుడు కూడా శాటిలైట్ కనెక్టివిటీ ద్వారా వెబ్ బ్రౌజింగ్ చేసుకునే సదుపాయాన్ని కల్పిస్తుంది.

వేరియబుల్ అపెర్చర్ కెమెరా.. మరికొన్ని డిజైన్ మార్పులు

ఫోటోగ్రఫీ ప్రియుల కోసం ఆపిల్ ఇందులో 48-మెగాపిక్సెల్ ఫ్యూజన్ కెమెరాను 'వేరియబుల్ అపెర్చర్' (Variable Aperture) సిస్టమ్‌తో తీసుకురాబోతోంది. దీనివల్ల సెన్సార్‌లోకి వచ్చే వెలుతురును వినియోగదారులు మాన్యువల్‌గా కంట్రోల్ చేయవచ్చు. ఇది తక్కువ వెలుతురులో (Low-light) అద్భుతమైన ఫోటోలను, మెరుగైన డెప్త్ ఎఫెక్ట్స్‌ను అందిస్తుంది. అలాగే, కెమెరా కంట్రోల్ బటన్ నుండి టచ్ సెన్సిటివిటీ , హాప్టిక్ ఫీడ్‌బ్యాక్‌ను తొలగించి, కేవలం ప్రెజర్-బేస్డ్ (నొక్కినప్పుడు మాత్రమే పనిచేసే) కంట్రోల్స్‌ను ఆపిల్ ఉంచబోతోంది. వెనుక వైపు కెమెరా మాడ్యూల్ డిజైన్ పాత మోడల్‌లాగే ఉన్నప్పటికీ, మ్యాగ్‌సేఫ్ (MagSafe) ఏరియా చుట్టూ సిరామిక్ షీల్డ్ ఫినిషింగ్‌ను మరింత స్లీక్‌గా మార్చనున్నారు. ఈసారి ప్రత్యేకంగా 'డార్క్ చెర్రీ' సిగ్నేచర్ కలర్‌తో పాటు లైట్ బ్లూ, డార్క్ గ్రే, సిల్వర్ రంగులలో ఈ ఫోన్ లభించనుంది.

భారత్‌లో ధరల అంచనా ఎలా ఉంది?

కొత్త హార్డ్‌వేర్ , భారీ ఫీచర్లు వస్తున్నప్పటికీ, ప్రముఖ అనలిస్ట్ మింగ్-చి కువో ప్రకారం ఆపిల్ ధరలను భారీగా పెంచకుండా అగ్రెసివ్ ప్రైసింగ్ స్ట్రాటజీని అనుసరించే అవకాశం ఉంది. గత ఏడాది ఐఫోన్ 17 ప్రో సిరీస్ ధరలను భారత్‌లో సుమారు రూ.5,000 వరకు పెంచిన సంగతి తెలిసిందే. ప్రస్తుతం మార్కెట్లో ఐఫోన్ 17 ప్రో ప్రారంభ ధర రూ.1,34,900 గా ఉండగా, ఐఫోన్ 17 Pro Max ప్రారంభ ధర రూ.1,49,900 గా ఉంది. లీక్స్ నిజమైతే, ఆపిల్ ఈ ధరల శ్రేణిలోనే కొత్త సిరీస్‌ను కూడా ఉంచాలని భావిస్తోంది.

అయితే, కొత్త 2nm చిప్ తయారీ ఖర్చులు , గ్లోబల్ మార్కెట్లో మెమరీ ధరలు పెరుగుతున్న తరుణంలో ధరలను స్థిరంగా ఉంచడం ఆపిల్‌కు పెద్ద సవాలే. కానీ భారత మార్కెట్లో పోటీని తట్టుకోవడానికి, అమ్మకాల జోరును కొనసాగించడానికి ఆపిల్ ఈ అదనపు ఉత్పత్తి ఖర్చును తనే భరించాలని చూస్తోంది. రాబోయే సెప్టెంబర్ నెలలో జరిగే మెగా ఈవెంట్‌లో ఆపిల్ ఈ ఐఫోన్ 18 ప్రో సిరీస్‌తో పాటు తన మొదటి ఫోల్డబుల్ ఐఫోన్‌ను కూడా లాంచ్ చేయవచ్చని అంచనా. ఆ తర్వాత వచ్చే ఏడాది ప్రారంభంలో ఐఫోన్ 18, ఐఫోన్ 18e , సెకండ్ జనరేషన్ ఐఫోన్ ఎయిర్ మోడళ్లను మార్కెట్లోకి తీసుకురానుంది.