ఐఫోన్ డుయో డిస్‌ప్లే పగిలితే షాకే.. రిపేర్ ఖర్చు ఏకంగా రూ.1.49 లక్షలు!

Apple iPhone Duo: ఆపిల్‌ తొలి ఫోల్డబుల్ స్మార్ట్‌ఫోన్‌గా చెప్పబడుతున్న iPhone Duo ప్రీ-ఆర్డర్లు ప్రారంభమైన కొద్దిసేపటికే స్టాక్ అయిపోయింది. ఇదే సమయంలో ఈ ఫోన్‌కు సంబంధించిన రిపేర్ ఖర్చుల వివరాలు కూడా వెల్లడయ్యాయి. చిన్న డ్యామేజ్‌కు రూ.5,900 నుంచి మొదలయ్యే రిపేర్ ఖర్చు.. ఇన్నర్ డిస్‌ప్లే పాడైతే ఏకంగా రూ.1.49 లక్షలకు చేరుతోంది.

iPhone Duo రిపేర్ ఖర్చు ఎంత?

ఆపిల్‌ అధికారిక పోర్టల్‌లో అందించిన వివరాల ప్రకారం iPhone Duo రిపేర్ ఖర్చు రూ.5,900 నుంచి ప్రారంభమవుతుంది. కవర్ లేయర్‌కు డ్యామేజ్ అయితే ఈ మొత్తం చెల్లించాల్సి ఉంటుంది.

iPhone Duoలో రెండు డిస్‌ప్లేలు ఉంటాయి. ఒకటి బయట ఉండే ఔటర్ డిస్‌ప్లే కాగా, మరొకటి ఫోన్‌ను విప్పినప్పుడు కనిపించే ఇన్నర్ డిస్‌ప్లే. వీటిలో ఇన్నర్ డిస్‌ప్లే పాడైతే దాన్ని మార్చేందుకు రూ.1,49,900 వరకు ఖర్చవుతుందని సమాచారం.

ఔటర్ డిస్‌ప్లే డ్యామేజ్ అయితే?

iPhone Duo ఔటర్ డిస్‌ప్లే పాడైతే దాని రిపేర్ ఖర్చు రూ.42,900గా ఉంది. అలాగే వెనుక భాగంలో ఉన్న బ్యాక్ గ్లాస్ పాడైతే రూ.20,900 ఖర్చవుతుంది.

ఔటర్ డిస్‌ప్లే, బ్యాక్ గ్లాస్ రెండూ డ్యామేజ్ అయితే రిపేర్ ఖర్చు రూ.55,900 వరకు ఉంటుంది.

iPhone Duo రిపేర్ ఖర్చుల పూర్తి వివరాలు

రిపేర్ / డ్యామేజ్ ఖర్చు

కవర్ లేయర్ డ్యామేజ్ రూ.5,900

బ్యాక్ గ్లాస్ డ్యామేజ్ రూ.20,900

బ్యాటరీ సర్వీస్ రూ.24,900

రియర్ కెమెరా డ్యామేజ్ రూ.26,900

ఔటర్ డిస్‌ప్లే డ్యామేజ్ రూ.42,900

ఔటర్ డిస్‌ప్లే + బ్యాక్ గ్లాస్ డ్యామేజ్ రూ.55,900

ఇన్నర్ డిస్‌ప్లే డ్యామేజ్ రూ.1,49,900

ఇతర డ్యామేజ్ రూ.2,24,900

iPhone Duo స్పెసిఫికేషన్స్

iPhone Duo ఫోల్డబుల్ స్మార్ట్‌ఫోన్. ఇందులో రెండు డిస్‌ప్లేలు ఉన్నాయి. ఔటర్ డిస్‌ప్లే 5.4 ఇంచులు, ఇన్నర్ డిస్‌ప్లే 7.6 ఇంచులుగా ఉన్నాయి. రెండు ప్యానళ్లలోనూ LTPO Super Retina XDR OLED టెక్నాలజీని ఉపయోగించారు.

ఈ డిస్‌ప్లేలు 120Hz రిఫ్రెష్ రేట్కు సపోర్ట్ చేస్తాయి.

Apple A20 Pro చిప్‌సెట్

iPhone Duoలో Apple A20 Pro (2nm) చిప్‌సెట్‌ను ఉపయోగించారు. దీనికి Apple GPU జత చేశారు. ఈ ఫోన్ iOS 27పై పనిచేస్తుంది.

కంపెనీ ప్రకారం, ఈ ప్రాసెసర్ వేగవంతమైన పనితీరును అందించడంతో పాటు రోజువారీ టాస్క్‌లను సులభంగా పూర్తి చేయగలదు. ఫోన్‌ను ఒక్కసారి పూర్తిగా ఛార్జ్ చేస్తే రోజంతా బ్యాటరీ బ్యాకప్ అందించగలదని కంపెనీ పేర్కొంది.

కెమెరా ఎలా ఉంది?

iPhone Duoలో డ్యూయల్ రియర్ కెమెరా సెటప్ ఉంది. ఇందులో రెండు కెమెరాలు 48MP సామర్థ్యంతో ఉన్నాయి. సెల్ఫీలు, వీడియో కాల్స్ కోసం 12MP ఫ్రంట్ కెమెరా అందించారు.