జియో నుంచి అదిరిపోయే ఆఫర్.. 10 నెలల రీఛార్జ్ చేస్తే 5 నెలలు ఫ్రీ..!

JioHome Freedom Offer: జియో తన అధికారిక ఎక్స్ (X) ఖాతాలో ఈ ఫెస్టివ్ ఆఫర్ వివరాలను వెల్లడించింది. కంపెనీ దీన్ని "జియోహోమ్ ఫ్రీడం ఆఫర్"గా పేర్కొంది. అర్హులైన కస్టమర్లు 10 నెలల సర్వీస్‌కు చెల్లిస్తే 5 నెలల అదనపు వాలిడిటీ లభిస్తుంది.

10 నెలల డబ్బు.. 15 నెలల వైఫై

ఈ ఆఫర్‌లో నెలవారీ ధర రూ.666 అని పేర్కొన్నారు. ఆ లెక్కన 10 నెలల సర్వీస్‌కు సుమారు రూ.6,660 ఖర్చవుతుంది. దీనికి ప్రతిగా కస్టమర్లకు మొత్తం 15 నెలల వాలిడిటీ లభిస్తుంది. అంటే ఐదు నెలల అదనపు సర్వీస్ కోసం విడిగా చెల్లించాల్సిన అవసరం లేదు.

ఇది జియో మొబైల్ ప్రీపెయిడ్ లేదా పోస్ట్‌పెయిడ్ రీఛార్జ్ ఆఫర్ కాదని గమనించాలి. ఇది జియోహోమ్ సర్వీస్‌కు సంబంధించినది. జియోఫైబర్, జియో ఎయిర్‌ఫైబర్ ద్వారా ఇంటికి ఇంటర్నెట్, వినోద సేవలు అందించే సేవ ఇది.

ఒక్క మిస్డ్ కాల్‌తో 5 నెలల లాభం..

ఈ ఆఫర్‌ను క్లెయిమ్ చేసుకోవడానికి జియో ఓ ప్రత్యేక నంబర్‌ను ప్రకటించింది.

అర్హులైన జియోహోమ్ కస్టమర్లు తమ రిజిస్టర్డ్ మొబైల్ నంబర్ నుంచి 8219582195 కు మిస్డ్ కాల్ ఇవ్వాలి.

ఆ తర్వాత కంపెనీ ఆ నంబర్‌కే కన్ఫర్మేషన్ మెసేజ్ పంపుతుంది.

మెసేజ్‌లోని సూచనలను పూర్తి చేసిన తర్వాత ఆఫర్ ప్రయోజనం పొందవచ్చు.

మిస్డ్ కాల్ తప్పనిసరిగా మీ జియోహోమ్ కనెక్షన్‌తో రిజిస్టర్ అయిన మొబైల్ నంబర్ నుంచే ఇవ్వాలి. వేరే నంబర్ నుంచి కాల్ చేస్తే ఆఫర్ లభిస్తుందనే గ్యారంటీ లేదు. రీఛార్జ్ చేసే ముందు మైజియో (MyJio) యాప్ లేదా జియో అధికారిక వెబ్‌సైట్‌లో మీ కనెక్షన్ అర్హతను, ఆఫర్ షరతులను చెక్ చేసుకోవడం మంచిది.

కొత్త జియోహోమ్ కస్టమర్లకు కూడా ఆఫర్

కొత్త కస్టమర్ల కోసం కూడా జియో ప్రత్యేక ఆఫర్ ప్రవేశపెట్టింది.

రెండు నెలల జియోహోమ్ ప్లాన్ తీసుకుంటే, అదనంగా ఒక నెల వాలిడిటీ ఇస్తోంది. అంటే రెండు నెలల ప్లాన్‌తో మొత్తం మూడు నెలల సర్వీస్ లభిస్తుంది.

ఈ ఆఫర్ ధర రూ.2,122.

ఇందులో 100Mbps వరకు ఇంటర్నెట్ స్పీడ్ లభిస్తుంది.

కొత్త కస్టమర్లు జియో అధికారిక వెబ్‌సైట్ లేదా మైజియో యాప్‌లో ఈ ప్లాన్ అందుబాటులో ఉందో లేదో చూడవచ్చు. ఆఫర్ కనిపిస్తే “Claim Now” ఆప్షన్ ద్వారా మిగతా ప్రక్రియను పూర్తి చేయవచ్చు.

వైఫైతో పాటు టీవీ, OTT ప్రయోజనాలు..

జియోహోమ్ కేవలం బ్రాడ్‌బ్యాండ్ ఇంటర్నెట్‌కే పరిమితం కాదు. ఇంటర్నెట్‌తో పాటు లైవ్ టీవీ ఛానళ్లు, OTT యాప్‌ల యాక్సెస్ కూడా ఇందులో లభిస్తుంది. కంపెనీ ప్రకారం, జియోహోమ్ ద్వారా కస్టమర్లు 15 భాషల్లో 1,000కి పైగా డిజిటల్ టీవీ ఛానళ్లను చూడవచ్చు. దీంతో పాటు ప్లాన్‌ను బట్టి వేర్వేరు OTT యాప్‌లు, వినోద సదుపాయాలు లభిస్తాయి.

జియోటీవీ+ (JioTV+) యాప్ ద్వారా ఒకే సెట్-టాప్ బాక్స్‌తో ఇంట్లోని రెండు స్మార్ట్ టీవీల్లో కంటెంట్ చూడొచ్చని కూడా కంపెనీ చెబుతోంది. అయితే ఏ OTT యాప్‌లు లభిస్తాయి, వాటి అందుబాటు ఏంటనేది ఎంచుకున్న ప్లాన్, కనెక్షన్‌పై ఆధారపడి ఉంటుంది.