Jio Postpaid Plan : జియో అదిరిపోయే పోస్ట్‌పెయిడ్ ప్లాన్.. ఒకే రీఛార్జ్‌తో నెట్‌ఫ్లిక్స్, ప్రైమ్, జియో హాట్‌స్టార్ ఫ్రీ..!

Jio Postpaid Plan : టెలికాం రంగంలో దూసుకుపోతున్న రిలయన్స్ జియో, తన కస్టమర్ల కోసం ఒక అదిరిపోయే పోస్ట్‌పెయిడ్ ప్లాన్‌ను అందుబాటులోకి తెచ్చింది. ముఖ్యంగా ఓటీటీ (OTT) ప్రియులను టార్గెట్ చేస్తూ రూపొందించిన ఈ ప్లాన్ ధర 749 రూపాయలు. మొబైల్ కనెక్టివిటీతో పాటు ఎంటర్‌టైన్‌మెంట్‌ను కోరుకునే వారికి ఇది ఒక పర్ఫెక్ట్ ఆప్షన్ అని చెప్పవచ్చు. ఈ ప్లాన్ స్పెషాలిటీ ఏంటంటే, మీరు విడిగా డబ్బులు చెల్లించాల్సిన అవసరం లేకుండానే పాపులర్ ఓటీటీ సబ్‌స్క్రిప్షన్లను ఉచితంగా పొందవచ్చు. స్ట్రీమింగ్ కోసం ఎక్కువ సమయం కేటాయించే వారికి జియో లైనప్‌లో ఇదొక బెస్ట్ డీల్.

ప్రీమియం బెనిఫిట్స్ , డేటా వివరాలు

ఈ 749 రూపాయల పోస్ట్‌పెయిడ్ ప్లాన్ ద్వారా యూజర్లకు అన్లిమిటెడ్ వాయిస్ కాల్స్ , రోజుకు 100 ఎస్సెమ్మెస్ (SMS) సౌకర్యం లభిస్తుంది. డేటా విషయానికి వస్తే, ప్రతి నెల 100GB హై-స్పీడ్ డేటాను జియో అందిస్తోంది. ఒకవేళ మీరు ఎలిజిబుల్ 5G డివైజ్ వాడుతుంటే, అన్లిమిటెడ్ 5G డేటాను కూడా ఎంజాయ్ చేయవచ్చు. అయితే నెలలోపు 100GB డేటా లిమిట్ అయిపోతే, ఆ తర్వాత వాడే ప్రతి GB కి 10 రూపాయల చొప్పున అదనంగా ఛార్జ్ చేస్తారు. కాబట్టి డేటా ఎక్కువగా వాడే వారు తమ కన్సంప్షన్ పై ఒక కన్నేసి ఉంచడం మంచిది.

కుటుంబం మొత్తానికి ఒకే ప్లాన్

ఈ ప్లాన్‌లో ఉన్న మరో గొప్ప ఫీచర్ ఏంటంటే, మీ ఫ్యామిలీ మెంబర్స్ కోసం అదనంగా మరో మూడు సిమ్ కార్డులను ఇదే అకౌంట్‌కు యాడ్ చేసుకోవచ్చు. దీనివల్ల ఇంటి ఖర్చులన్నీ ఒకే బిల్లు కిందకు వస్తాయి. ప్రతి ఎక్స్‌ట్రా సిమ్ కార్డుకు నెలకు 150 రూపాయలు అదనంగా చెల్లించాల్సి ఉంటుంది. అందరినీ ఒకే ప్లాన్ కింద ఉంచాలనుకునే వారికి ఇది ప్రాసెస్ ను చాలా సింప్లిఫై చేస్తుంది. అయితే ఈ 749 రూపాయల ధరకు జీఎస్టీ (GST) అదనం అని గుర్తుంచుకోవాలి, ప్రతి నెల బిల్లు వచ్చేటప్పుడు ట్యాక్సులు అదనంగా పడతాయి.

ఓటీటీ సబ్‌స్క్రిప్షన్ల జాతర

ఈ ప్లాన్ తీసుకోవడం వల్ల నెట్‌ఫ్లిక్స్ బేసిక్ (Netflix Basic), అమెజాన్ ప్రైమ్ లైట్ (Amazon Prime Lite), జియో హాట్‌స్టార్ (JioHotstar) మెంబర్‌షిప్‌లు ఉచితంగా లభిస్తాయి. వీటికి విడిగా సబ్‌స్క్రిప్షన్ ఫీజు కట్టాల్సిన అవసరం లేదు కాబట్టి, లేటెస్ట్ మూవీస్, వెబ్ సిరీస్‌లు , లైవ్ స్పోర్ట్స్‌ను ఎలాంటి ఎక్స్‌ట్రా ఖర్చు లేకుండా చూడవచ్చు. ప్రీమియం సర్వీసులను కోరుకునే యూజర్లకు జియో ఈ ప్లాన్‌ను పిచ్ చేస్తోంది. కేవలం బేసిక్ మొబైల్ సర్వీస్ కావాలనుకునే వారి కంటే, డేటా , ఎంటర్‌టైన్‌మెంట్ ప్యాకేజీని కలిపి కోరుకునే వారికి ఈ ప్లాన్ రియల్ వాల్యూని ఇస్తుంది.