Instagram: ఇకపై ఆ పోస్టులకు మెటా బ్రేక్.! రికమెండేషన్ సిస్టమ్‌లో కొత్తగా మార్పులు

Instagram: ఇండియాలో ఇన్‌స్టాగ్రామ్ రికమెండేషన్ సిస్టమ్‌లో మార్పులు చేసి, మనం ఫాలో కాని ఖాతాల నుంచి హింసాత్మక, అసభ్యకర పోస్టులు తక్కువగా కనిపించేలా చేసినట్లు మెటా ప్రకటించగా, గతేడాదితో పోలిస్తే ఇలాంటి పోస్టులపై ఫిర్యాదులు సగానికి తగ్గాయని కంపెనీ చెప్పింది.

Ravi
By Ravi
Published on: 17 Nov 2026 5:48 PM IST
Instagram
X

Instagram: ఇకపై ఆ పోస్టులకు మెటా బ్రేక్.! రికమెండేషన్ సిస్టమ్‌లో కొత్తగా మార్పులు

Instagram: ఇండియాలో ఇన్‌స్టాగ్రామ్‌లో హింసాత్మక, అసభ్యకర పోస్టులు కనిపించకుండా రికమెండేషన్ సిస్టమ్‌లో మార్పులు చేసినట్లు మెటా తెలిపింది. మనం ఫాలో కాని వారి పోస్టులు ఎక్కువగా కనిపించకుండా ఇది పనిచేస్తుంది. గతేడాదితో పోలిస్తే ఇలాంటి పోస్టులపై వచ్చే ఫిర్యాదులు సగానికి తగ్గాయని కంపెనీ పేర్కొంది. రికమెండెడ్ వ్యవస్థను మెరుగుపరచాలని OCTలో కేంద్ర ప్రభుత్వం సూచించడంతో మెటా ఈ మార్పులు చేసింది.

ఈ మార్పులను మెటా మంగళవారం ప్రకటించింది. ఇవి ప్రత్యేకంగా భారత్ కోసమే చేసినవి. రీల్స్, ఎక్స్‌ప్లోర్, ఫీడ్‌లో ఇన్‌స్టాగ్రామ్ సూచించే పోస్టులకు ఇవి వర్తిస్తాయి. అభ్యంతరకర కంటెంట్‌ను పూర్తిగా నిషేధించలేదని, ఇన్‌స్టాగ్రామ్ ఏది ప్రమోట్ చేయాలనే దాన్ని మాత్రమే పరిమితం చేశామని కంపెనీ స్పష్టం చేసింది. మెరుగైన ఏఐ మోడల్స్‌తో పోస్టులను నిబంధనలకు అనుగుణంగా ఉన్నాయో లేదో పరిశీలిస్తున్నారు. భారత్‌లో అత్యంత పరిణత కంటెంట్ డిఫాల్ట్‌గా రికమెండ్ కాదు.

అక్టోబర్ 10న కేంద్ర ఐటీ మంత్రిత్వ శాఖ మెటాకు అడ్వైజరీ జారీ చేసింది. తప్పుదారి పట్టించే, మార్ఫ్ చేసిన లేదా సందర్భం లేని కంటెంట్ అసమానంగా వ్యాపించకుండా ఉండేలా ర్యాంకింగ్, రికమెండేషన్ వ్యవస్థలను సమీక్షించాలని కోరింది. హింసను ప్రేరేపించే లేదా ప్రజా శాంతికి భంగం కలిగించే కంటెంట్‌పై తనిఖీలు పెంచాలని కూడా సూచించింది. ఇదే సమయంలో యూజర్లకు విభిన్న అభిప్రాయాలు కనిపించేలా చూడాలని కోరింది. అయితే తాము చేసిన మార్పులను ఈ అడ్వైజరీతో ముడిపెట్టలేదని మెటా తెలిపింది. ఈ మార్పులను గత ఏడాదిగా అభివృద్ధి చేశామని, యూజర్ల అభిప్రాయాల ఆధారంగా చేశామని చెప్పింది.

జూలైలో కూడా MeitY మెటా అధికారులను పిలిపించింది. ఇన్‌స్టాగ్రామ్‌లో చిన్నారులపై లైంగిక వేధింపుల కంటెంట్‌ను ప్రమోట్ చేసే ప్రకటనలు కనిపిస్తున్నాయని బీబీసీ గుర్తించడంతో కేంద్రం చర్యలు తీసుకుంది. ఆ ప్రకటనలను తొలగించాలని ఆదేశించింది. ఈ నేపథ్యంలో ప్రభుత్వం ఆన్‌లైన్ కంటెంట్‌పై నిఘా కఠినతరం చేస్తోంది.

యూజర్లు తమ అనుభవాన్ని తామే నియంత్రించుకునే అవకాశం కూడా ఇన్‌స్టాగ్రామ్ ఇస్తోంది. సెన్సిటివ్ కంటెంట్ కంట్రోల్ ద్వారా సెర్చ్, రీల్స్, ఎక్స్‌ప్లోర్‌లో సున్నితమైన కంటెంట్ తగ్గించవచ్చు. 'నాట్ ఇంటరెస్టెడ్' ఆప్షన్, హిడెన్ వర్డ్స్ ఫిల్టర్, ఖాతాలను బ్లాక్ చేయడం వంటివి కూడా ఉన్నాయి. ఫాలో కాని ఖాతాల నుంచి రాజకీయ కంటెంట్ తక్కువగా కనిపించేలా కూడా యూజర్లు సెట్ చేసుకోవచ్చు.

Ravi

Ravi

2017లో వెబ్ జర్నలిస్ట్‌గా నా కెరీర్ ప్రారంభించాను. పలు వెబ్‌సైట్స్‌లో కంటెంట్ రైటర్‌గా పని చేశాను. డిజిటల్ మీడియాలో 7 ఏళ్ళకుపైగా అనుభవం ఉంది. ట్రెండింగ్, బిజినెస్, ఆంధ్రప్రదేశ్ & తెలంగాణకు సంబంధించి బ్రేకింగ్ కంటెంట్ రాస్తుంటాను.