OnePlus Community Sale : రూ.17,000 వరకు డిస్కౌంట్‌తో కమ్యూనిటీ సేల్ షురూ.! వన్‌ప్లస్ లవర్స్‌కు పండగే..

OnePlus Community Sale : భారతదేశంలో వన్‌ప్లస్ అభిమానుల కోసం కంపెనీ గురువారం ఒక అద్భుతమైన ప్రకటన చేసింది. 'వన్‌ప్లస్ కమ్యూనిటీ సేల్ 2026' పేరుతో సరికొత్త డిస్కౌంట్లు, బ్యాంక్ ఆఫర్లు , నో-కాస్ట్ ఈఎమ్ఐ (No-cost EMI) ఆప్షన్లను అందుబాటులోకి తెచ్చింది. ఈ సేల్‌లో భాగంగా వన్‌ప్లస్ ఫ్లాగ్‌షిప్ ఫోన్లు, నార్డ్ సిరీస్ మొబైళ్లు, టాబ్లెట్లు , ఆడియో ప్రొడక్ట్స్‌పై భారీ తగ్గింపు లభిస్తోంది. కస్టమర్లు ఈ ఆఫర్లను వన్‌ప్లస్ ఇండియా వెబ్‌సైట్, అమెజాన్, ఫ్లిప్‌కార్ట్ , ఆఫ్‌లైన్ స్టోర్లలో పొందవచ్చు. జూన్ 10 వరకు ఈ సేల్ కొనసాగుతుంది.

ఫ్లాగ్‌షిప్ ఫోన్లపై కళ్లు చెదిరే డిస్కౌంట్లు

వన్‌ప్లస్ 15: ఈ టాప్-ఎండ్ ఫోన్‌పై రూ.3,000 బ్యాంక్ డిస్కౌంట్ లభిస్తోంది. దీనివల్ల రూ.77,999 అసలు ధర ఉన్న ఈ ఫోన్, ఆఫర్‌లో రూ.74,999 లకే సొంతం చేసుకోవచ్చు.

వన్‌ప్లస్ 15ఆర్: ఈ మోడల్‌పై కూడా బ్యాంక్ ఆఫర్ వర్తిస్తుంది. దీంతో దీని ధర రూ.51,999 కి తగ్గుతుంది.

వన్‌ప్లస్ 13: ప్రీమియం ఫోన్ కావాలనుకునే వారికి వన్‌ప్లస్ 13 పై ఊహించని ఆఫర్ ఉంది. రూ.69,999 విలువైన ఈ ఫోన్‌పై రూ.12,000 తాత్కాలిక ధర తగ్గింపుతో పాటు రూ.5,000 ఇన్‌స్టంట్ బ్యాంక్ డిస్కౌంట్ ఇస్తున్నారు. ఫలితంగా ఈ ఫోన్ కేవలం రూ.52,999 కే లభిస్తుంది.

వన్‌ప్లస్ 13ఎస్: ఈ కాంపాక్ట్ ఫోన్‌పై రూ.2,000 ఫ్లాట్ డిస్కౌంట్ , రూ.3,000 బ్యాంక్ ఆఫర్ ఉంది. దీని ఆఫర్ ధర రూ.49,999 గా నిర్ణయించారు.

నార్డ్ సిరీస్‌పై బడ్జెట్ ఆఫర్లు

మధ్యతరగతి వినియోగదారుల కోసం వన్‌ప్లస్ నార్డ్ సిరీస్‌లో కూడా తగ్గింపులు ఉన్నాయి. లేటెస్ట్ వన్‌ప్లస్ నార్డ్ 6 మొబైల్ రూ.2,000 ఇన్‌స్టంట్ బ్యాంక్ డిస్కౌంట్‌తో కలిపి రూ.40,999 కే లభిస్తోంది. అలాగే వన్‌ప్లస్ నార్డ్ సీఈ6 ఫోన్‌ను రూ.2,000 బ్యాంక్ డిస్కౌంట్ తర్వాత రూ.29,999 కి కొనవచ్చు. ఇక నార్డ్ సీఈ6 లైట్ మోడల్‌పై రూ.1,500 బ్యాంక్ ఆఫర్ ఉండటంతో దీని ధర రూ.21,499 కి అందుబాటులోకి వచ్చింది. వీటితో పాటు ఎంపిక చేసిన క్రెడిట్ కార్డులపై 6 నెలల వరకు నో-కాస్ట్ ఈఎమ్ఐ సదుపాయం కూడా ఉంది.

టాబ్లెట్లు , ఉచిత గిఫ్టులు

స్మార్ట్‌ఫోన్లతో పాటు వన్‌ప్లస్ ప్యాడ్‌లపై కూడా కంపెనీ డిస్కౌంట్లు ఇస్తోంది. వన్‌ప్లస్ ప్యాడ్ 4 పై రూ.3,000 ఇన్‌స్టంట్ బ్యాంక్ ఆఫర్ ఉండటంతో దీని ధర రూ.56,999 కి చేరింది. వన్‌ప్లస్ ప్యాడ్ గో 2 మోడల్ రూ.26,999 కి, అలాగే ప్యాడ్ లైట్ మోడల్ రూ.16,999 కి లభిస్తున్నాయి. ఇక్కడ అద్భుతమైన విషయం ఏంటంటే, లిమిటెడ్ పీరియడ్ ఆఫర్ కింద ప్యాడ్ 4 కొంటే 'స్టైలో ప్రో' పెన్, ప్యాడ్ గో 2 కొంటే 'స్టైలో గో 2' పెన్ పూర్తిగా ఉచితంగా ఇస్తున్నారు.

ఆడియో ప్రొడక్ట్స్‌పై కూడా తగ్గింపు

మ్యూజిక్ లవర్స్ కోసం వన్‌ప్లస్ బడ్స్ 4 మోడల్ రూ.6,099 కి, ప్రీమియం వన్‌ప్లస్ బడ్స్ ప్రో 3 మోడల్ రూ.11,999 కి అందుబాటులో ఉన్నాయి. ఇవే కాకుండా నార్డ్ బడ్స్ 3, నార్డ్ బడ్స్ 3 ప్రో, నార్డ్ బడ్స్ 4 ప్రో , బుల్లెట్స్ వైర్‌లెస్ జెడ్2 ఏఎన్‌సీ, జెడ్3 వంటి ఇయర్‌ఫోన్లపై కూడా ఆకర్షణీయమైన ధర తగ్గింపులు ఉన్నాయి. కొత్త గ్యాడ్జెట్లు కొనాలనుకునే వారికి ఈ వన్‌ప్లస్ కమ్యూనిటీ సేల్ ఒక మంచి అవకాశం అని చెప్పవచ్చు.