OnePlus Nord CE 6 : వన్‌ప్లస్ నుంచి కొత్త సెన్సేషన్.. 8000mAh బ్యాటరీ బీస్ట్ ఫోన్ 144Hz డిస్‌ప్లేతో..

OnePlus Nord CE 6 : వన్‌ప్లస్ తన పాపులర్ నార్డ్ సిరీస్‌లో భాగంగా Nord CE 6 , Nord CE 6 Lite మోడళ్లను ఇండియాలో లాంచ్ చేసేందుకు సిద్ధమైంది. గతంలో వచ్చిన నార్డ్ 6 విజయవంతం కావడంతో, ఇప్పుడు మరింత అప్‌గ్రేడ్ చేసిన ఫీచర్లతో ఈ CE సిరీస్‌ను తీసుకువస్తోంది. బడ్జెట్ ధరలో ప్రీమియం ఎక్స్‌పీరియన్స్‌ను అందించడమే ఈ ఫోన్ల ప్రధాన ఉద్దేశ్యం.

ప్రీమియం లుక్ అండ్ స్టైలిష్ డిజైన్

వన్‌ప్లస్ Nord CE 6 డిజైన్ పరంగా వన్‌ప్లస్ 15 స్టైల్‌ను పోలి ఉంటుంది. దీని వెనుక భాగంలో స్క్వేర్ షేప్ కెమెరా ఐలాండ్ , పెద్ద సర్క్యులర్ రింగ్స్ ఉన్నాయి. మెటాలిక్ ఫినిషింగ్‌తో ఉన్న ఈ కెమెరా మాడ్యూల్ ఫోన్‌కు చాలా రిచ్ లుక్‌ను ఇస్తుంది. ఈ హ్యాండ్‌సెట్ ఫ్రెష్ బ్లూ, లూనార్ పర్ల్, , పిచ్ బ్లాక్ అనే మూడు ఆకర్షణీయమైన రంగుల్లో అందుబాటులోకి రానుంది. దీని మాట్ ఫినిషింగ్ బాడీ వేలిముద్రలు పడకుండా క్లీన్ లుక్‌ను ఇస్తుంది.

హై-క్వాలిటీ డిస్‌ప్లే , స్మూత్ పర్ఫార్మెన్స్

ఈ స్మార్ట్‌ఫోన్ 1.5K రిజల్యూషన్ కలిగిన డిస్‌ప్లేతో వస్తోంది. గేమింగ్ , వీడియోలు చూసేటప్పుడు అద్భుతమైన అనుభూతిని ఇచ్చేందుకు ఇందులో 144Hz రిఫ్రెష్ రేట్ను అందించారు. స్క్రీన్ చుట్టూ ఉండే బెజెల్స్ చాలా సన్నగా ఉండటం వల్ల ఇది ప్రీమియం ఫోన్‌లా కనిపిస్తుంది. పర్ఫార్మెన్స్ విషయానికి వస్తే, ఇందులో Qualcomm Snapdragon 7s Gen 4 చిప్‌సెట్‌ను వాడారు. అలాగే 3200Hz టచ్ సాంప్లింగ్ రేట్ కోసం ప్రత్యేకమైన టచ్ రిఫ్లెక్స్ చిప్‌ను కూడా జోడించారు. ఇది లేటెస్ట్ ఆండ్రాయిడ్ 16 ఆధారిత ఆక్సిజన్ ఓఎస్ 16 (OxygenOS 16) పై రన్ అవుతుంది.

కెమెరా క్వాలిటీ , బ్యాటరీ పవర్

ఫోటోగ్రఫీ ప్రియుల కోసం Nord CE 6లో ఆప్టికల్ ఇమేజ్ స్టెబిలైజేషన్ (OIS) సపోర్ట్ ఉన్న 50-మెగాపిక్సెల్ ప్రైమరీ కెమెరాను అమర్చారు. సెల్ఫీల కోసం ముందు భాగంలో 32-మెగాపిక్సెల్ కెమెరా ఉంది. ఇక ఈ ఫోన్‌లోని అత్యంత ముఖ్యమైన హైలైట్ దాని 8,000mAh బ్యాటరీ. ఇంత భారీ బ్యాటరీని ఛార్జ్ చేయడం కోసం 80W ఫాస్ట్ ఛార్జింగ్ సపోర్ట్‌ను కూడా అందించారు. అదనంగా ఇది రివర్స్ వైర్డ్ ఛార్జింగ్ ఫీచర్‌ను కూడా కలిగి ఉంది.

ఎర్గోనామిక్స్ , బిల్డ్

పెద్ద స్క్రీన్ ఉన్నప్పటికీ, ఈ ఫోన్ ఎడ్జెస్ ఫ్లాట్‌గా ఉండి మూలలు కొద్దిగా గుండ్రంగా ఉండటం వల్ల చేతిలో పట్టుకోవడానికి చాలా సౌకర్యవంతంగా ఉంటుంది. పవర్ , వాల్యూమ్ బటన్లు కుడి వైపున ఉండగా, కింద భాగంలో USB టైప్-సి పోర్ట్, స్పీకర్ గ్రిల్, సిమ్ ట్రే ఉన్నాయి. అయితే.. పాత మోడళ్లతో పోలిస్తే వన్‌ప్లస్ Nord CE 6 మరింత మెరుగ్గా, ప్రీమియం ఫీచర్లతో బడ్జెట్ రేంజ్‌లో గట్టి పోటీని ఇచ్చేలా కనిపిస్తోంది.