6000mAh బ్యాటరీ.. పవర్ ఫుల్ కెమెరా.. మార్కెట్‌లోకి గ్రాండ్ ఎంట్రీ ఇచ్చిన గెలాక్సీ F70 ప్రొ 5G..!

Samsung Galaxy F70 Pro 5G: మిడ్ రేంజ్ స్మార్ట్‌ఫోన్ ప్రియులకు శామ్‌సంగ్ అదిరిపోయే శుభవార్త తెలిపింది. సరికొత్త ఫీచర్లు, అద్భుతమైన డిజైన్‌తో ‘గెలాక్సీ F70 ప్రొ 5G’ భారత్‌లో అధికారికంగా విడుదల చేసింది. భారీ బ్యాటరీ, పవర్‌ఫుల్ ప్రోసెసర్‌తో రూ. 25,999 ప్రారంభ ధరకే లభించే ఈ ఫోన్ ప్రత్యేకతలను ఇప్పుడు చూద్దాం.

టెక్ ప్రియులు ఎంతగానో ఎదురుచూస్తున్న శామ్‌సంగ్ గెలాక్సీ F70 ప్రొ 5G మోడల్ మూడు వేరియంట్లలో అందుబాటులోకి వచ్చింది. ప్రారంభ వేరియంట్ 6GB ర్యామ్ + 128GB స్టోరేజ్ ధరను రూ. 25,999 గా నిర్ణయించారు. అలాగే 8GB ర్యామ్ + 128GB మోడల్ రూ. 29,999, టాప్ ఎండ్ 8GB ర్యామ్ + 256GB వేరియంట్ రూ. 34,999 ధరకు లభించనున్నాయి. లాంచ్ ఆఫర్లలో భాగం బ్యాంక్ డిస్కౌంట్లు ఉపయోగిస్తే ఇంకా తక్కువ ధరకే ఈ ఫోన్ సొంతం చేసుకోవచ్చని కంపెనీ వెల్లడించింది. ఫ్లిప్‌కార్ట్, శామ్‌సంగ్ అధికారిక వెబ్‌సైట్ ద్వారా ఈ సేల్ ప్రారంభం కానుంది.

డిస్‌ప్లే, ప్రాసెసింగ్ పవర్ సూపర్..

ఈ ఫోన్‌లో 6.7 అంగుళాల ఫుల్ హెచ్‌డీ ప్లస్ సూపర్ అమోలెడ్ (Super AMOLED) డిస్‌ప్లే అమర్చారు. 120Hz రిఫ్రెష్ రేట్ ఉండటం వల్ల గేమింగ్, వీడియా స్ట్రీమింగ్ చాలా స్మూత్‌గా సాగుతాయి. గొరిల్లా గ్లాస్ విక్టస్ ప్లస్ ప్రొటెక్షన్ యాడ్ చేయడం వల్ల స్క్రీన్ కింద పడినా గీతలు పడకుండా భద్రత లభిస్తుంది. స్నాప్‌డ్రాగన్ 6 జెన్ 3 ప్రాసెసర్‌తో పనిచేసే ఈ హ్యాండ్‌సెట్ మల్టీటాస్కింగ్‌కు అద్భుతంగా తోడ్పడుతుంది. ఆండ్రాయిడ్ 16 ఆధారిత వన్ యుఐ 8.5 ఆపరేటింగ్ సిస్టమ్‌పై ఇది రన్ అవుతుంది.

కెమెరా క్వాలిటీ.. నాన్-స్టాప్ బ్యాటరీ..

ఫొటోగ్రఫీ ఇష్టపడే వారి కోసం వెనుక వైపు OIS టెక్నాలజీతో కూడిన 50 మెగాపిక్సెల్ ప్రధాన కెమెరా ఇచ్చారు. దీనికి తోడు 5 మెగాపిక్సెల్ ఆల్ట్రా వైడ్, 2 మెగాపిక్సెల్ మ్యాక్రో షూటర్ ఉన్నాయి. నో షేక్ కెమెరా ఫీచర్ వల్ల 4K వీడియోలు చాలా స్పష్టంగా రికార్డు అవుతాయి. సెల్ఫీల కోసం ముందు భాగంలో 12 మెగాపిక్సెల్ కెమెరా ఏర్పాటు చేశారు. రోజువారీ వాడకంలో ఎలాంటి అంతరాయం లేని పవర్ అందించడానికి 6,000mAh భారీ బ్యాటరీని జత చేశారు. దీనికి 45W ఫాస్ట్ ఛార్జింగ్ సపోర్ట్ లభిస్తుంది.

దీర్ఘకాలిక అప్‌డేట్లు.. ఏఐ ఫీచర్లు..

ఈ స్మార్ట్‌ఫోన్ కొనుగోలు చేసిన వారికి కంపెనీ మరో పెద్ద ఆఫర్ ఇస్తోంది. ఏకంగా 6 ఏళ్ల పాటు ఆపరేటింగ్ సిస్టమ్ అప్‌డేట్లు, సెక్యూరిటీ ప్యాచెస్ అందిస్తామని స్పష్టం చేసింది. దాంతో పాటూ సర్కిల్ టు సెర్చ్, గూగుల్ జెమిని ఆధారిత ఏఐ టూల్స్, ఆబ్జెక్ట్ ఎరేజర్ వంటి అత్యాధునిక ఫీచర్లు దీనిలో కొలువుదీరాయి. అల్ఫా బ్లాక్, ఆరా గ్రీన్ రంగుల్లో ఈ డివైజ్ కొనుగోలుదారులను ఆకట్టుకుంటోంది.

పవర్‌ఫుల్ బ్యాటరీ, అద్భుతమైన ప్రాసెసర్, దీర్ఘకాలిక సాఫ్ట్‌వేర్ సపోర్ట్ కోరుకునే వారికి రూ. 25,000 నుంచి రూ. 30,000 బడ్జెట్‌లో ఈ ఫోన్ బెస్ట్ ఆప్షన్‌గా నిలవనుంది. మిడ్ రేంజ్ 5G విభాగంలో మిగతా బ్రాండ్లకు ఇది గట్టి పోటీ ఇవ్వడం ఖాయంగా కనిపిస్తోంది.