Samsung Galaxy Z Fold 8 : ఫోన్ కాదు.. పర్సనల్ అసిస్టెంట్.! శాంసంగ్ కొత్త AI మ్యాజిక్..!

Samsung Galaxy Z Fold 8 : స్మార్ట్‌ఫోన్ లవర్స్‌కు ఒక అదిరిపోయే న్యూస్. గూగుల్ తన మోస్ట్ అడ్వాన్స్‌డ్ ఏఐ ఫీచర్స్ సెట్ అయిన 'జెమిని ఇంటెలిజెన్స్' (Gemini Intelligence) గురించి రీసెంట్‌గా జరిగిన 'ఆండ్రాయిడ్ షో ఐ/ఓ ఎడిషన్'లో హింట్ ఇచ్చింది. మామూలుగా ఈ ఫీచర్స్ శాంసంగ్ గెలాక్సీ S26 సిరీస్, పిక్సెల్ 10 ఫోన్లలో వస్తాయని అందరూ అనుకున్నారు. కానీ లేటెస్ట్ రిపోర్ట్స్ ప్రకారం, శాంసంగ్ తన అప్ కమింగ్ ఫోల్డబుల్ మోడల్స్ అయిన గెలాక్సీ Z ఫోల్డ్ 8 , Z ఫ్లిప్ 8 ఫోన్ల ద్వారానే ఈ జెమిని ఇంటెలిజెన్స్‌ను వరల్డ్ వైడ్‌గా లాంచ్ చేయబోతున్నట్లు తెలుస్తోంది.

జూలైలో వచ్చే సరికొత్త ఫోల్డబుల్స్

శాంసంగ్ తన గెలాక్సీ Z ఫోల్డ్ 8 , గెలాక్సీ Z ఫ్లిప్ 8లను జూలై నెలలోనే లాంచ్ చేసే అవకాశం ఉంది. ఈ ఫోన్లు సరికొత్త 'వన్ యూఐ 9' (One UI 9) సాఫ్ట్‌వేర్‌తో రాబోతున్నాయి. ఈ సాఫ్ట్‌వేర్ గూగుల్ జెమిని ఇంటెలిజెన్స్‌కు సపోర్ట్ చేస్తుంది. ఒకవేళ ఇదే నిజమైతే, గెలాక్సీ S26 , పిక్సెల్ 10 సిరీస్ కంటే ముందే ఈ స్మార్ట్ ఫీచర్స్ ఫోల్డబుల్ ఫోన్ యూజర్స్ చేతికి అందుతాయి. కేవలం ఈ రెండు మోడల్స్ మాత్రమే కాకుండా, గెలాక్సీ వైడ్ ఫోల్డ్ స్మార్ట్‌ఫోన్లలో కూడా ఈ ఫీచర్ ఉండే ఛాన్స్ ఉంది.

పనులన్నీ ఆటోమేటిక్.. అదే జెమిని స్పెషాలిటీ

ఈ జెమిని ఇంటెలిజెన్స్ అనేది మెయిన్‌గా అడ్వాన్స్‌డ్ మల్టీటాస్కింగ్ కోసం డిజైన్ చేశారు. అంటే మీరు ఒకేసారి చాలా యాప్స్‌ను ఈ ఏఐ ద్వారా హ్యాండిల్ చేయవచ్చు. ఫర్ ఎగ్జాంపుల్, మీరు మీ నోట్స్ యాప్‌లో ఒక షాపింగ్ లిస్ట్ రాసుకుని, దాన్ని డెలివరీ యాప్ కార్ట్‌లోకి మార్చమని ఏఐని అడిగితే చాలు. ఆ ఏఐ ఆటోమేటిక్‌గా యాప్స్ మధ్య స్విచ్ అవుతూ, ఐటమ్స్ అన్నింటినీ కార్ట్‌లో యాడ్ చేసి, పేమెంట్ ప్రాసెస్ వరకు హెల్ప్ చేస్తుంది. అంటే మీ ఫోన్ లోని పనులను అది నావిగేట్ చేస్తూ ఆటోమేట్ చేసేస్తుందన్నమాట.

వన్ యూఐ 9తో మరిన్ని ఏఐ ఫీచర్స్

శాంసంగ్ ఇప్పటికే గెలాక్సీ S26 సిరీస్‌లో వన్ యూఐ 8.5 ద్వారా కొన్ని ఏఐ ఫీచర్లను ఇంట్రడ్యూస్ చేసింది. కానీ వన్ యూఐ 9లో మరిన్ని అడ్వాన్స్‌డ్ ఫంక్షన్స్ ఉండబోతున్నాయి. ప్రస్తుతం ఇది సౌత్ కొరియా లాంటి మార్కెట్లలో టెస్టింగ్ స్టేజ్‌లో ఉంది. ఇందులో శాంసంగ్ నోట్స్ కోసం 'మాస్కింగ్ టేప్' ఫీచర్, అలాగే కాంటాక్ట్స్ యాప్‌తో లింక్ అయ్యే 'క్రియేటివ్ స్టూడియో' లాంటివి ఉన్నాయి. అఫీషియల్ రిలీజ్ టైమ్ నాటికి జెమిని ఇంటెలిజెన్స్ కూడా ఇందులో పార్ట్ అవ్వబోతోంది. ఈ ఏఐ ఫీచర్లు ఫ్యూచర్‌లో వాచీలు, కార్లు , స్మార్ట్ గ్లాసెస్ వంటి ఇతర డివైజ్‌లకు కూడా రాబోతున్నాయి.